មន្ត្រីជាន់ខ្ពស់ម្នាក់បាននិយាយកាលពីថ្ងៃព្រហស្បតិ៍ថា រដ្ឋាភិបាលប្រទេសបូលីវី នឹងចាប់ខ្លួនអតីតប្រធានាធិបតី លោក Evo Morales ក្នុងពេលកំណត់។

លោក Gustavo Torrico អនុរដ្ឋមន្ត្រីសម្របសម្រួល និងគ្រប់គ្រងរដ្ឋាភិបាល បាននិយាយថា «យើងត្រូវរង់ចាំពេលវេលាសមស្រប»។ 

ចំណាត់ការនឹងត្រូវបានធ្វើឡើង ហើយដីការចាប់ខ្លួន នឹងត្រូវបានអនុវត្ត ដោយពុំធ្វើឲ្យមានហានិភ័យដល់ប្រជាជនស្លូតត្រង់ឡើយ។

លោក Morales ដែលបានបម្រើជាប្រធានាធិបតីប្រទេសបូលីវី ពីឆ្នាំ២០០៦ ដល់ឆ្នាំ២០១៩ ត្រូវបានចោទប្រកាន់ពីបទជួញដូរមនុស្ស និងពីបទរំលោភ។ 

អាជ្ញាធរប្រទេសបូលីវី បានចេញដីកាចាប់ខ្លួនលោក Morales កាលពីថ្ងៃទី១៦ ខែធ្នូ ហើយរដ្ឋអាជ្ញាប្រទេសបូលីវី បានស្នើសុំការព្រមានអំពីការធ្វើអន្តោប្រវេសន៍សម្រាប់លោក នៅថ្ងៃទី១៩ ខែធ្នូ។

អតីតប្រធានាធិបតីរូបនេះ បច្ចុប្បន្នបានស្នាក់នៅក្នុងតំបន់ដែលត្រូវបានការពារដោយក្រុមសន្តិសុខ រៀបចំដោយចលនាសង្គមស្មោះត្រង់ នៅខេត្ត Chapare ។ 

ក្នុងអំឡុងពេលទទួលទានអាហារថ្ងៃបុណ្យណូអែល លោកបានអរគុណចំពោះអ្នកដើរតាមលោក សម្រាប់ការគាំទ្ររបស់ពួកគេ ដោយបានចាត់ទុកការប៉ុនប៉ងចាប់ខ្លួននេះ ថាជាការដាក់ទុក្ខទោសខាងនយោបាយ។