អាជ្ញាធរម៉ាលី បាននិយាយថា យ៉ាងហោចណាស់មនុស្ស ៦៩នាក់ បានស្លាប់ បន្ទាប់ពីទូកមួយគ្រឿងដែលធ្វើដំណើរពីអាហ្វ្រិកខាងលិច ទៅកាន់កោះកាណារី បានក្រឡាប់លិចនឆ្នេរសមុទ្ររបស់ប្រទេសម៉ា   រ៉ុក កាលពីថ្ងៃទី១៩ ខែធ្នូ ខណៈដែលទិន្នន័យបង្ហាញថា ការស្លាប់របស់ជនអន្តោប្រវេសន៍ដែលប៉ុនប៉ងទៅដល់ប្រទេសអេស្ប៉ាញ បានកើនឡើងខ្ពស់ ក្នុងឆ្នាំ ២០២៤ ។

ទូកនោះ បានដឹកមនុស្សប្រមាណ ៨០នាក់ នៅពេលវា បានក្រឡាប់។ ក្រសួងការបរទេសម៉ាលី បានឲ្យដឹងនៅក្នុងសេចក្តីថ្លែងការណ៍មួយ កាលពីថ្ងៃព្រហស្បតិ៍ថា មានតែមនុស្ស ១១នាក់ប៉ុណ្ណោះ ដែលនៅរស់រានមានជីវិត បន្ទាប់ពីបានប្រមូលព័ត៌មាន ដើម្បីកំណត់ឧប្បត្តិហេតុឲ្យកាន់តែច្បាស់។

ក្រសួងបានបន្ថែមថា ក្រុមដោះស្រាយវិបត្តិមួយ ត្រូវបានបង្កើតឡើង ដើម្បីតាមដានស្ថានការណ៍នេះ។

ផ្លូវធ្វើដំណើរនៅសមុទ្រអាត្លង់ទិកពីឆ្នេរសមុទ្រនៃអាហ្រ្វិកខាងលិច ទៅកាន់តំបន់កោះកាណារីរបស់ប្រទេសអេស្ប៉ាញ ជាធម្មតាត្រូវបានប្រើប្រាស់ដោយជនអន្តោប្រវេសន៍អាហ្រ្វិក ដែលព្យាយាមទៅដល់ប្រទេសអេស្ប៉ាញដីគោក បានកើនឡើង នៅឆ្នាំនេះ ដោយមានអ្នកមកដល់ចំនួន ៤១.៤២៥នាក់ ក្នុងខែមករាដល់ខែវិច្ឆិកា លើសពីកំណត់ត្រាឆ្នាំមុន ដែលមានចំនួន ៣៩.៩១០នាក់។

ជម្លោះជាច្រើនឆ្នាំនៅក្នុងតំបន់ Sahel ដែលរួមមានប្រទេសម៉ាលី ភាពអត់ការងារធ្វើ និងផលប៉ះពាល់នៃការប្រែប្រួលអាកាសធាតុលើសហគមន៍កសិកម្ម គឺជាហេតុផល ដែលមនុស្សព្យាយាមឆ្លងកាត់តាមផ្លូវ     សមុទ្រនេះ។

មនុស្សម្នាក់ បានស្លាប់ក្នុងចំណោមមនុស្ស ៣០០ នាក់ ដែលបានមកដល់ដោយជិះទូកចំនួន ៦គ្រឿង កាលពីថ្ងៃសុក្រ នៅលើកោះ El Hierro ក្នុងតំបន់កោះCanaries។ នេះបើយោងតាមអង្គការកាកបាទ    ក្រហម។