ប្រទេសហ្ស៊កហ្ស៊ី បានត្រៀមខ្លួនជាស្រេច ដើម្បីស្តារទំនាក់ទំនងជាមួយសហរដ្ឋអាមេរិកឡើងវិញ ហើយរំពឹងថា នឹងមានវិធានការទៅវិញទៅមកពីរដ្ឋបាលប្រធានាធិបតីជាប់ឆ្នោត លោក Donald Trump។ នេះបើយោងតាមនាយករដ្ឋមន្ត្រីហ្ស៊កហ្ស៊ី Irakli Kobakhidze ។

លោក Kobakhidze បាននិយាយថា៖«គោលដៅរបស់យើង គឺដើម្បីស្តារឡើងវិញនូវទំនាក់ទំនងជាមួយសហរដ្ឋអាមេរិក តាំងពីដើមដំបូងមក ក្នុងការបន្តភាពជាដៃគូយុទ្ធសាស្ត្រឡើងវិញ។ យើងពិតជាបើកចំហ និងត្រៀមខ្លួនជាស្រេចសម្រាប់រឿងនេះ ហើយយើងសង្ឃឹមថា យើងនឹងឃើញចំណាត់ការទៅវិញទៅមកប្រកបដោយប្រសិទ្ធភាព ក្រោមរដ្ឋបាលថ្មីរបស់ [សហរដ្ឋអាមេរិក]» ។ 

កាលពីថ្ងៃទី៣០ ខែវិច្ឆិកា ក្រសួងការបរទេសអាមេរិក បានប្រកាសថា សហរដ្ឋអាមេរិក បានផ្អាកភាពជាដៃគូយុទ្ធសាស្ត្ររបស់ខ្លួន ជាមួយហ្ស៊កហ្ស៊ី បន្ទាប់ពីនាយករដ្ឋមន្ត្រីហ្ស៊កហ្ស៊ី បានប្រកាសកាលពីថ្ងៃទី ២៨ ខែវិច្ឆិកាថា គណបក្សកាន់អំណាច Georgian Dream គឺគណបក្ស Democratic Georgia បានសម្រេចចិត្តមិនដាក់បញ្ហានៃកិច្ចចរចាចូលជាសមាជិកសហភាពអឺរ៉ុប នៅលើរបៀបវារៈ រហូតដល់ដំណាច់ឆ្នាំ ២០២៨ និងបដិសេធជំនួយថវិកាពីសហគមន៍នេះ។

ពិធីសម្ពោធរបស់លោក Trump នឹងត្រូវធ្វើឡើង នៅថ្ងៃទី ២០ ខែមករា ឆ្នាំ ២០២៤។ ថ្នាក់ដឹកនាំហ្ស៊កហ្ស៊ី បាននិយាយម្តងហើយម្តងទៀតថា ខ្លួនសង្ឃឹមថានឹងមានការផ្លាស់ប្តូរសម្រាប់ទំនាក់ទំនងកាន់តែប្រសើរឡើងជាមួយសហរដ្ឋអាមេរិក និងសហភាពអឺរ៉ុប បន្ទាប់ពីលោក Trump ចូលកាន់តំណែង។