សហព័ន្ធអ្នកសារព័ត៌មានអន្តរជាតិ(IFJ)បានបង្ហាញកាលពីថ្ងៃអង្គារថា ឆ្នាំ ២០២៤ គឺជាឆ្នាំដ៏សាហាវបំផុតសម្រាប់អ្នកសារព័ត៌ ក្នុងប្រវត្តិសាស្ត្រថ្មីៗនេះ ដោយកាសែតចំនួន ១២២នាក់ ត្រូវបានសម្លាប់ នៅទូទាំងពិភពលោក។

អង្គការដែលមានមូលដ្ឋាននៅទីក្រុងប្រ៊ុចសែល បានពណ៌នាឆ្នាំនេះថា ជា «ឆ្នាំមួយដែលមានអ្នកស្លាប់ច្រើនបំផុត»សម្រាប់អាជីពនេះ ដោយជាមធ្យមអ្នកកាសែតម្នាក់ ត្រូវបានសម្លាប់រៀងរាល់បីថ្ងៃម្តង។

អគ្គលេខាធិការ IFJ លោក Anthony Bellanger បាននិយាយថា៖«គំនិតរបស់យើង គឺនៅជាមួយក្រុមគ្រួសារ និងមិត្តភក្តិរបស់អ្នកជំនាញប្រព័ន្ធផ្សព្វផ្សាយចំនួន ១២២នាក់ ដែលត្រូវបានសម្លាប់ នៅឆ្នាំនេះ។ នៅពីក្រោយតួរលេខខ្ពស់នេះ មានរឿងចំនួន ១២២ ត្រូវបានគេកាត់ឲ្យខ្លី»។

IFJ ដែលជាសហជីពអ្នកកាសែតដ៏ធំផុតរបស់ពិភពលោក បានរំលឹកឡើងវិញនូវការអំពាវនាវរបស់ខ្លួន ឲ្យមានការការពារកាន់តែខ្លាំងសម្រាប់បុគ្គលិកប្រព័ន្ធផ្សព្វផ្សាយ និងការទទួលខុសត្រូវចំពោះឃាតករ។

លោក Belanger បន្ថែមថា៖«ដើម្បីធានាថា ការស្លាប់របស់អ្នកកាសែត មិនត្រូវបានកាត់ទោស និង បញ្ចប់ការវាយប្រហារបែបនេះទាំងស្រុង យើងជំរុញឲ្យប្រទេសសមាជិកអង្គការសហប្រជាជាតិចាត់វិធានការ ដើម្បីធានាការអនុម័តអនុសញ្ញាស្តីពីសុវត្ថិភាពអ្នកកាសែត»។

របាយការណ៍ដែលបានចេញផ្សាយដំបូងកាលពីថ្ងៃទី ១០ ខែធ្នូ ប៉ុន្តែបានធ្វើបច្ចុប្បន្នភាព ដើម្បីឆ្លុះបញ្ចាំងពីការស្លាប់នៅក្នុងសប្តាហ៍ចុងក្រោយនៃឆ្នាំនេះ បានគូសបញ្ជាក់តំបន់មជ្ឈិមបូព៌ា និងពិភពអារ៉ាប់ថា ជាតំបន់គ្រោះថ្នាក់បំផុត ដោយមានអ្នកជំនាញប្រព័ន្ធផ្សព្វផ្សាយចំនួន ៧៧នាក់ ត្រូវបានសម្លាប់ ក្នុងឆ្នាំ ២០២៤។