គ្រាប់បែកក្នុងរថយន្តមួយគ្រាប់ បានផ្ទុះឡើង នៅក្នុងទីក្រុងអាឡិបប៉ូ ភាគខាងជើងនៃទីក្រុង Tel Rifaat កាលពីថ្ងៃអង្គារ ដោយបានបណ្តាលឲ្យមនុស្សយ៉ាងតិច ៤នាក់ រងរបួស ក្នុងនោះមានកុមារម្នាក់ផងដែរ។ នេះបើយោងតាមក្រុមឃ្លាំមើលសិទ្ធិមនុស្សស៊ីរី។

រថយន្តសង្គ្រោះជាច្រើនគ្រឿង បានប្រញាប់ប្រញាល់ ទៅកាន់កន្លែងកើតហេតុ ចំពេលមានការដាក់ពង្រាយសន្តិសុខយ៉ាងតឹងរ៉ឹង។

ពុំមានក្រុមណាមួយ ចេញមុខអះអាងទទួលខុសត្រូវភ្លាមៗចំពោះការវាយប្រហារនេះឡើយ។

របាយការណ៍ថ្មីៗ បង្ហាញថា កងទ័ពជាតិស៊ីរីដែលជាក្រុមយោធាគាំទ្រដោយទួរគី បានចូលក្នុងក្រុង Tel Rifaat កាលពីថ្ងៃអង្គារ ដែលជាផ្នែកមួយនៃការវាយលុកមួយ ដើម្បីប្រឆាំងនឹងគណបក្សពលកឃើដ និងអង្គភាពការពារប្រជាជនឃឺដស៊ីរី ដែលត្រូវបានចាត់ទុក ជាអង្គការភេរវកម្ម ដោយប្រទេសទួរគី។