យោធាអ៊ីស្រាអែល បាននិយាយថា មីស៊ីលពីរគ្រាប់ ត្រូវបានបាញ់ចេញពីតំបន់ហ្កាហ្សា នៅថ្ងៃពុធនេះ ក្នុងប៉ុន្មាននាទីដំបូងនៃឆ្នាំថ្មី ដែលមួយគ្រាប់ត្រូវបានស្ទាក់ចាប់ ខណៈមួយគ្រាប់ទៀត បានធ្លាក់នៅក្នុងតំបន់ដីទំនេរ។

យោធាអ៊ីស្រាអែល បានអះអាងថា ស៊ីរ៉ែនប្រកាសអាសន្ន បានបន្លឺឡើង នៅពាក់កណ្តាលអធ្រាត្រ (ម៉ោង២២:00 ម៉ោងសកល) នៅភាគខាងលិចទីក្រុង Negev ហើយ «មីស៊ីលទាំងពីរគ្រាប់នេះ ត្រូវបានគេកំណត់អត្តសញ្ញាណឆ្លងកាត់ពីភាគកណ្តាលតំបន់ហ្កាហ្សាស្ទ្រីប ចូលទៅក្នុងទឹកដីអ៊ីស្រាអែល»។

កងទ័ព បាននិយាយនៅលើ Telegram ថា៖«មីស៊ីលមួយគ្រាប់ ត្រូវបានស្ទាក់ចាប់ដោយជោគជ័យ ហើយគ្រាប់ទី២ បានធ្លាក់ក្នុងតំបន់ដីវាល»។

យោធាបានបន្ថែមថា ខ្លួនបានស្ទាក់ចាប់គ្រាប់រ៉ូកែតជាច្រើនគ្រាប់ដែលបាញ់ចេញពីភាគខាងជើងហ្កាហ្សាក្នុងរយៈពេលប៉ុន្មានថ្ងៃថ្មីៗនេះ។

សង្រ្គាមនៅតំបន់ហ្កាហ្សា ត្រូវបានបង្កឡើងដោយការវាយប្រហារដែលដឹកនាំដោយក្រុមហាម៉ាសដែលមិនធ្លាប់មានពីមុន នៅថ្ងៃទី ០៧ ខែតុលា ឆ្នាំ ២០២៣ ទៅលើអ៊ីស្រាអែល ដែលបានបណ្តាលឲ្យមនុស្ស ១.២០៨នាក់ ស្លាប់ ភាគច្រើនជាជនស៊ីវិល។ នេះបើយោងតាមតួលេខផ្លូវការរបស់អ៊ីស្រាអែលដែលសារព័ត៌មាន AFP ទទួលបាន។