ស្វាយរៀង ÷ លោកវ៉ាន់ សារ៉ាត់ ប្រធានមន្ទីរទេសចរណ៍ ខេត្តស្វាយរៀង នៅព្រឹកថ្ងៃទី ២ ខែមករា ឆ្នាំ២០២៥នេះ បានប្រាប់ ទូរទស្សន៍ BTV តាមរយៈសារតេឡេក្រាមអោយដឹងថា ក្នុងរយៈពេល៣ថ្ងៃ ចាប់ពីថ្ងៃទី៣០.៣១.ខែធ្នូ ឆ្នាំ២០២៤ ដល់ថ្ងៃទី១ ខែមករា ឆ្នាំ២០២៥ នៃការឈប់សម្រាកពិធីឆ្លងឆ្នាំសកល ឆ្នាំ២០២៥នេះ ស្វាយរៀង មានភ្ញៀវជាតិ និងអន្តរជាតិចូលមក លេងកម្សាន្ត និងទស្សនា នៅតាមរមណីយដ្ឋានធម្មជាតិ រម្មណីយ៏កែឆ្នៃ ព្រមទាំងស្នាក់នៅក្នុងខេត្ត មានចំនួន១ម៉ឺន ៩ពាន់ ០៥២នាក់ ។

 លោកបានប្រាប់បន្ថែមថាការដែលភ្ញៀវ និងពលរដ្ឋចូលមកលេងច្រើននៅឆ្នាំនេះ ដោយស្វាយរៀង បច្ចុប្បន្ន មានទីតាំងកែឆ្នៃ បន្ថែមជាច្រើនកន្លែងក្រៅតែពី បុព្វបរុសបានបន្សល់ទុករម្មណីដ្ឋាន និងប្រាង្គប្រាសាទ ព្រៃបាសាក់មួយកន្លែង ស្ថិតនៅក្នុងស្រុកស្វាយជ្រំ និងប្រាង្គប្រាសាទជីហោ ស្ថិតនៅឃុំគគីរ ស្រុករមាសហែក សម្រាប់ផ្តល់អោយពលរដ្ឋ និងភ្ញៀវ ពិសេសយុវជនចូលទស្សនា សិក្សានិងស្វែងយល់ពីប្រវត្តិសាស្ត្រនិងទឹកដីរបស់ខេត្ត ។

 ក្នុងឪកាសអញ្ជើញមកលេងកំសាន្តនៅរម្មណីដ្ឋានប្រាង្គប្រាសាទព្រៃបាសាក់ពលរដ្ឋ ដែលមកពីគ្រប់មជ្ឈដ្ឋាន បានមានចំណាប់អារម្មណ៍ ដោយ អំពាវនាវដល់ពលរដ្ឋ ពិសេសភ្ញៀវជាតិ និងអន្តរជាតិ សូមអញ្ជើញចូលមកលេងកម្សាន្ត ខណៈដែលទីតាំងប្រាសាទព្រៃបាសាក់ បច្ចុប្បន្ននេះត្រូវបានរដ្ឋបាលខេត្តរៀបចំអោយមានសោភណ្ឌ័ភាព គួរជាទីចាប់អារម្មណ៍ ពិសេសការងារសន្តិសុខត្រូវបានធានាគួបផ្សំទៅនឹងអ្នកលក់ដូរម្ហូបអាហារភេសជ្ជៈមានភាពរាក់ទាក់ផងដែរ។ សំឡេង.....

  លោកបានបន្តថាក្នុងអំឡុង ភ្ញៀវជាតិ និងអន្តរជាតិចូលមកលេងកំសាន្តក្នុងខេត្ត នៅគ្រប់សណ្ឋាគារ ផ្ទះសំណាក់ ពិសេសម្ហូបអាហារ ក្រុមម្ចាស់ផ្ទះសំណាក់ និងម្ចាស់ហាងលក់ម្ហូបអាហារ មិនមានការតម្លើងថ្លៃសេវាទាំងនោះទេ ខណះដែលសន្តិសុខត្រូវបានធានាសុវត្តិភាពទាំងការដើរកំសាន្តនិងស្នាក់នៅ ។