អតីតរដ្ឋមន្ត្រីក្រសួងការពារជាតិអ៊ីស្រាអែល លោក យ៉ូអាវ ហ្កាលែន(Yoav Gallant) ដែលតែងតែប្រកាន់ជំហរឯករាជ្យប្រឆាំងនាយករដ្ឋមន្ត្រី លោក Benjamin Netanyahu និងសម្ព័ន្ធរដ្ឋាភិបាលស្តាំនិយមរបស់លោក បាននិយាយថា លោកលាលែងពីសភា។

លោក Gallant ត្រូវបានបណ្តេញចេញពីរដ្ឋាភិបាលកាលពីខែវិច្ឆិកា ដោយលោក Netanyahu បន្ទាប់ពីមានការខ្វែងគំនិតគ្នាជាច្រើនខែ ជុំវិញការធ្វើសង្រ្គាមប្រឆាំងក្រុមហាម៉ាសនៅតំបន់ហ្កាហ្សា ប៉ុន្តែបានរក្សាអសនៈរបស់លោកជាសមាជិកជាប់ឆ្នោតនៅសភា។

លោក Gallant បាននិយាយនៅក្នុងសេចក្តីថ្លែងការណ៍តាមទូរទស្សន៍ថា «ខណៈវាស្ថិតនៅលើសមរភូមិ ដូច្នេះវាគឺនៅក្នុងការបម្រើសាធារណៈ។ ប៉ុន្តែមានឱកាសដែលត្រូវតែឈប់ ត្រូវវាយតម្លៃ និងជ្រើសរើសទិសដៅមួយ ដើម្បីសម្រេចបាននូវគោលដៅ»។

លោក Gallant ជារឿយៗបានខ្វែងគំនិតគ្នាជាមួយលោក Netanyahu និងសម្ព័ន្ធមិត្តរបស់លោកនៃគណបក្សស្តាំនិយមនិងសាសនា រួមទាំងការលើកលែងចំពោះបុរសជនជាតិជ្វីហ្វជ្រុលនិយម ពីការចូលបម្រើក្នុងជួរកងទ័ព ដែលជាបញ្ហាក្តៅមួយ។

កាលពីខែមីនា ឆ្នាំ២០២៣ លោក Netanyahu បានបណ្តេញលោក Gallant បន្ទាប់ពីលោកបានជំរុញឱ្យបញ្ឈប់ផែនការរដ្ឋាភិបាលដែលមានការខ្វែងគំនិតគ្នាច្រើន ដើម្បីកាត់ផ្តាច់អំណាចរបស់តុលាការកំពូល។ 

ការបណ្តេញលោកចេញ បានបង្កឱ្យមានការតវ៉ាទ្រង់ទ្រាយធំ ។ តុលាការព្រហ្មទណ្ឌអន្តរជាតិ បានចេញដីកាចាប់ខ្លួនលោក Gallant និងលោក Netanyahu រួមជាមួយមេដឹកនាំក្រុមហាម៉ាស ពីបទឧក្រិដ្ឋកម្មសង្រ្គាម និងឧក្រិដ្ឋកម្មប្រឆាំងមនុស្សជាតិ នៅក្នុងជម្លោះតំបន់ហ្កាហ្សា ដែលអ៊ីស្រាអែលបានតវ៉ា។