មនុស្សយ៉ាងហោចណាស់ ៥នាក់ បានបាត់បង់ជីវិត និង ៣៣នាក់ផ្សេងទៀត បានរងរបួស បន្ទាប់ពីរថយន្តទេសចរណ៍ ១គ្រឿង បានបាត់បង់ម្ចាស់ការ ហើយបានជ្រុលទៅបុកដើមឈើ នៅភាគខាងត្បូងប្រទេសថៃ កាលពីល្ងាចថ្ងៃពុធ (ទី១ ខែមករា)។

យោងតាមការិយាល័យទំនាក់ទំនងសាធារណៈ ក្នុងតំបន់ បានប្រាប់ឲ្យដឹងថា រថយន្តក្រុងដែលមានមនុស្ស ៣៨នាក់ជិះលើនោះ កំពុងធ្វើដំណើរត្រលប់មកពីខេត្ត Yala នៅភាគខាងត្បូងប្រទេស នៅពេលដែលគ្រោះថ្នាក់បានកើតឡើង នៅជិតផ្លូវបំបែកមួយ ក្នុងស្រុក Chaiya របស់ខេត្ត Surat Thani។

មនុស្ស ៥នាក់ បានបាត់បង់ជីវិត នៅកន្លែងកើតហេតុតែម្ដង។ អ្នករងរបួស ដោយក្នុងនោះមាន ៣នាក់ ស្ថិតក្នុងសភាពធ្ងន់ធ្ងរ ត្រូវបានបញ្ជូនទៅកាន់មន្ទីរពេទ្យក្បែរនោះ ដើម្បីព្យាបាល។ ព័ត៌មានលម្អិតបន្ថែមនៃការឧបទ្ទវហេតុរថយន្តក្រុងនេះ កំពុងស្ថិតក្រោមការស៊ើបអង្កេត៕