អ្នកជំនាញរបស់អង្គការសហប្រជាជាតិ កាលពីថ្ងៃព្រហស្បតិ៍ ទី០២ ខែមករា បានថ្កោលទោសការវាយឆ្មក់របស់អ៊ីស្រាអែលលើមន្ទីរពេទ្យនៅភាគខាងជើងតំបន់ហ្កាហ្សា ដោយទាមទារឱ្យបញ្ចប់ «ការវាយលុកដ៏បង្ហូរឈាម» លើសិទ្ធិសុខភាពនៅក្នុងដែនដីប៉ាឡេស្ទីន ដែលត្រូវបានហ៊ុមព័ទ្ធ។

ការចោទប្រកាន់ដដែលៗថា អ៊ីស្រាអែលកំពុងប្រព្រឹត្ត «អំពើប្រល័យពូជសាសន៍» នៅតំបន់ហ្កាហ្សា ជាអ្វីដែលរដ្ឋាភិបាលអ៊ីស្រាអែល បានបដិសេធយ៉ាងដាច់ខាត ដែលអ្នកជំនាញសិទ្ធិមនុស្សឯករាជ្យរបស់អង្គការសហប្រជាជាតិ និយាយថា «វាគួរឲ្យរន្ធត់» ដោយការវាយឆ្មក់កាលពីថ្ងៃសុក្រសប្តាហ៍មុនលើមន្ទីរពេទ្យ Kamal Adwan ជាមន្ទីរពេទ្យសំខាន់ចុងក្រោយនៅតំបន់ហ្កាហ្សាភាគខាងជើង។

អ្នកជំនាញនិយាយថា «រយៈពេលជាងមួយឆ្នាំនៃអំពើប្រល័យពូជសាសន៍ ការវាយប្រហារយ៉ាងខ្លាំងក្លារបស់អ៊ីស្រាអែល លើសិទ្ធិទទួលបានសុខភាពនៅតំបន់ហ្កាហ្សា និងដែនដីប៉ាឡេស្ទីនដែលត្រូវបានចូលកាន់កាប់ កំពុងធ្វើឱ្យមានជម្រៅថ្មីនៃនិទណ្ឌភាព»។

សេចក្តីថ្លែងការណ៍រួម ទទួលបានពីអ្នករាយការណ៍ពិសេសរបស់អង្គការសហប្រជាជាតិឯករាជ្យស្តីពីស្ថានភាពសិទ្ធិមនុស្សនៅក្នុងដែនដីប៉ាឡេស្ទីន និងអ្នករាយការណ៍ពិសេសស្តីពីសិទ្ធិទទួលបានសុខភាព ត្រូវបានបេសកកម្មការទូតរបស់អ៊ីស្រាអែលនៅទីក្រុងហ្សឺណែវ ច្រានចោល ដែលថាវា «ឆ្ងាយពីការពិត» ហើយវា មិនពិតទាំងស្រុងចំពោះការពិតសំខាន់ៗ និងបរិបទដ៏ទូលំទូលាយនៃការទាញយកប្រយោជន៍របស់ក្រុមហាម៉ាស នូវហេដ្ឋារចនាសម្ព័ន្ធស៊ីវិលសម្រាប់គោលបំណងយោធា។

យោធាអ៊ីស្រាអែល បានចោទប្រកាន់ក្រុមហាម៉ាសដដែលៗថា បានប្រើប្រាស់មន្ទីរពេទ្យជាមជ្ឈមណ្ឌលទីបញ្ជា ជាអ្វីដែលក្រុមហាម៉ាស បានច្រានចោល។