អ្នកវិភាគ និងអ្នកស្រាវជ្រាវសង្គម បានលើកឡើងថា ទិវាជ័យជម្នះ ៧ មករា ជាពន្លឺតែមួយគត់ ដែល ជួយប្រជាជនឱ្យរួចជីវិតពីរបបប្រល័យពូជសាសន៍ ប៉ុល ពត ដ៏មហាខ្មៅងងឹតក្នុងប្រវត្តិសាស្ត្រកម្ពុជា។

ស្របពេលទិវាជ័យជម្នះ ៧ មករា ខួបលើកទី៤៦ នឹងប្រព្រឹត្តទៅនាថ្ងៃទី៧ ខែមករា នេះ អ្នកវិភាគ និងអ្នកស្រាវជ្រាវសង្គម បានលើកឡើងថា ទិវាជ័យជម្នះ ៧ មករា ១៩៧៩ គឺជាប្រវត្តិសាស្រ្តមួយ ដែល មិនអាចបំភ្លេចបាននូវការឈឺចាប់របស់ប្រជាជនខ្មែរនាសម័យនោះ ដែលមានគ្រួសារ សាច់ញាតិ បងប្អូន និងធនធានមនុស្សរបស់កម្ពុជាជាច្រើនត្រូវបានសម្លាប់ និងបាត់បង់ជីវិត​ដោយសារ​របបប្រល័យពូជ សាសន៍ ប៉ុល ពត ដែលគ្រប់គ្រងប្រទេសត្រឹមតែ៣ឆ្នាំ ៨ខែ និង២០ថ្ងៃប៉ុណ្ណោះ។

លោក ទុំប៉ែន វីរៈវិទូ អ្នកស្រាវជ្រាវមួយរូប បានលើកឡើងថា កម្ពុជា នឹងស្ថិតក្នុងភាពងងឹត ប្រសិន បើរបបប្រល័យពូជសាសន៍ ប៉ុល ពត មិនត្រូវបានផ្ដួលរំលំ ដែលបានកើតចេញពីការតស៊ូ និងលះបង់​នូវវីរ ភាពនៃថ្នាក់ដឹកនាំរបស់គណបក្សប្រជាជនកម្ពុជា។

លោក មុំ វីរៈ អ្នកស្រាវជ្រាវផ្នែកគោលនយោបាយ និងសង្គម បានលើកឡើងថា ប្រវត្តិសាស្រ្តនៃដំ ណើរទិវាជ័យជម្នះ ៧ មករា គឺជាពន្លឺ និងមិនមែនជារឿងចៃដន្យនោះទេ ដោយសារគ្រានោះគឺជា​ចលនា តស៊ូកើតឡើងពីវីរភាពរបស់កូនខ្មែរ ដែលស្អប់ខ្ពើមចំពោះរបបប្រល័យពូជសាសន៍ ។

ទិវាជ័យជម្នះ ៧ មករា ឆ្នាំ១៩៧៩ - ៧ មករា ឆ្នាំ២០២៥ គឺជាខួបលើកទី៤៦ឆ្នាំ ជាថ្ងៃប្រវត្តិសាស្ត្រ ដែលបានផ្តួលរំលំរបបប្រល័យពូជសាសន៍ ប៉ុល ពត ហើយសង្គ្រោះជាតិ និងប្រជាជនកម្ពុជា បានទាន់ ពេលវេលា និងបានបញ្ចប់នូវសករាជដ៏ខ្មៅងងឹតបំផុតនៃប្រទេសកម្ពុជា ហើយបើកឡើងនូវសករាជថ្មី គឺឯករាជ្យ សេរីភាព ប្រជាធិបតេយ្យ និងវឌ្ឍនភាពសង្គម៕

អត្ថបទ៖ សេក ឧត្តម