នៅថ្ងៃទី៥ ខែមករា ឆ្នាំ២០២៥នេះ ឯកឧត្តម ស៊ុន ចាន់ថុល សមាជិកអចិន្រ្តៃយ៍ គណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខណ្ឌមានជ័យ បានអញ្ជើញក្នុងពិធីសម្ពោធដាក់ឱ្យប្រើប្រាស់ទីស្នាក់ការគណបក្សប្រជាជនកម្ពុជាក្នុងសង្កាត់ស្ទឹងមានជ័យទី២ និងប្រារពពិធីរំលឹកខួបអនុស្សាវរីយ៌ទិវាជ័យជំនៈ៧មករា លើកទី៤៦។
មុននឹងចាប់ផ្តើមមតិសំណេះឯកឧត្តម បាននាំនូវសេចក្តីនឹករលឹក និងការផ្តាំផ្ញើសាកសួរសុខ ទុក្ខពីសំណាក់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ព្រមទាំងថ្នាក់ដឹកនាំគណបក្ស ដែលជានិច្ចកាល សម្តេច តែងតែយកចិត្តទុកដាក់ខ្ពស់ចំពោះសុខទុក្ខប្រជាពលរដ្ឋទូទាំងប្រទេស។
មានប្រសាសន៍សំណេះសំណាលក្នុងពិធិនេះ ឯកឧត្តមបានថ្លែងនូវការកោតសរសើរដល់ក្រុមការងារចុះមូលដ្ឋានសង្កាត់ស្ទឹងមានជ័យ២ ដែលមានឯឧ យុនហេង សមាជិកគណៈកម្មាធិការកណ្តាល ជាប្រធាន និងក្រុមការងារថ្នាក់មូលដ្ឋានគ្រប់ជាន់ថ្នាក់ដែលបានយកអស់កំលាំងកាយចិត្តចុះរួមសុខរួមទុក្ខជាមួយបងប្អូនប្រជាពលរដ្ឋស្របតាមអនុសាសន៍ណែនាំដ៏ខ្ពង់ខ្ពស់របស់សម្តេចតេជោប្រធានគណបក្ស។
អគារស្នាក់ការគណបក្សប្រជាជនកម្ពុជា ដែលសម្ពោធដាក់ឱ្យប្រើប្រាស់នៅថ្ងៃនេះ គឺជាសមិទ្ធផលថ្មីមួយនៅក្នុងសង្កាត់ស្ទឹងមានជ័យទី២ មានសារៈសំខាន់សម្រាប់បម្រើឱ្យរដ្ឋបាលគណបក្សនៅថ្នាក់មូលដ្ឋាន ហើយអគារនេះក៏បានបង្ហាញពីភាពរឹងមាំរបស់គណបក្សដែលមានភាពចាស់ទុំខាងនយោបាយ និងត្រៀមលក្ខណៈរួមសុខរួមទុក្ខជាមួយប្រជាពលរដ្ឋគ្រប់កាលៈទេសៈ មិនរត់ចោលប្រជាពលរដ្ឋ និងដឹកនាំប្រទេសសម្រាប់រយៈពេលយូរអង្វែងតទៅទៀត។
បន្ថែមលើចំនុចនេះ ឯកឧត្តម បានបង្ហាញពីស្នារដៃ និងសមិទ្ធផលរបស់គណបក្សប្រជាជនកម្ពុជាក្នុងរយៈពេល៤៦ឆ្នាំកន្លងមកនេះមានជាអាទិ ការរំដោះប្រទេសជាតិពីរបបប្រល័យពូជសាសន៍ការបង្រួបបង្រួមជាត់ រកបានសន្តិភាពពេញលេញជូនជាតិតាមរួៈនយោបាយឈ្នះ ឈ្នះ ដែលជាយុទ្ធសាស្ត្រដ៏មានប្រសិទ្ធីរបស់សម្តេចតេជោ ហ៊ុន សែន ព្រមទាំងសមិទ្ធផលអភិវឌ្ឍន៍ជាច្រើនរាប់មិនអស់មានការរីកចំរើនលើគ្រប់វិស័យ។
បន្តវេនពីគោលដៅជាយុទ្ធសាស្ត្រអភិវឌ្ឍជាតិនៃរាជរដ្ឋាភិបាលមុន រាជរដ្ឋាភីបាលអាណត្តិទី៧ ក្រោមការដឹកនាំនាំដ៏ឈ្លាសវៃ និងស្វាហាប់របស់សម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី អនុប្រធានគណបក្សប្រជាជនកម្ពុជា រួមជាមួយថ្នាក់ដឹកនាំគ្រប់លំដាប់ថ្នាក់ បានប្តេជ្ញាអនុវត្តគោលដៅអភិវឌ្ឍន៍ប្រទេសកម្ពុជាអោយក្លាយជាប្រទេសមានចំណូលមធ្យមកំរិតខ្ពស់ នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។
ឯកឧត្តម បន្តថា ដើម្បីសម្រេចគោលដៅនេះ រាជរដ្ឋាភិបាលបានខិតខំបំពេញភារកិច្ចជាច្រើន ដូចជាការខិតខំអភិវឌ្ឍហេដ្ឋារចនាសម្ព័ន្ធស្ពាន ថ្នល់ អគ្គិសនី អាកាសយាន្តដ្ឋាន ផ្លូវដែក និងធនធានមនុស្ស។ ជាមួយគ្នានេះ ចាំបាច់ត្រូវមានការចូលរួមពីបងប្អូនប្រជាពលរដ្ឋផងដែរ។ ការចូលរួមសំខាន់គឺ នាំគ្នាថែរក្សាសន្តិភាពអោយខាងតែបាន។
ឯកឧត្តម បន្ថែមថា បងប្អូនប្រជាពលរដ្ឋត្រូវយកចិត្តទុកដាក់អប់រំណែនាំកូនចៅ អោយចៀសវាងអំពើអបាយមុខទាំងឡាយមានការប្រព្រឹត្តិគ្រឿងញៀន ល្បែងស៊ីសង។ បងតូចបងធំ ហើយត្រូវខិតខំរៀនសូត្រ និងរៀនចំនាញវិជ្ជាជីវៈអោយបានស្ទាញជំនាញ ដែលអាចក្លាយជាធនធានមនុស្សដ៏សំខាន់សម្រាប់ជាតិយើង។
មុនបញ្ចប់ ឯកឧត្យម បានណែនាំដល់មន្ត្រីបក្សគ្រប់លំដាប់ថ្នាកខិតខំធ្វើអំពើល្អ បន្តរួមសុខរួមទុក្ខជាមួយបងប្អូនប្រជាពលរដ្ឋស្របតាមការណែនាំដ៏ខ្ពង់ខ្ពស់របស់សម្តេចតេជោហ៊ុន សែន ប្រធានគណបក្សប្រជាជនកម្ពុជាយើង៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
