នាល្ងាចថ្ងៃទី៥ ខែមករា ឆ្នាំ២០២៥នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត​ ពេជ ចន្ទមុន្នី ហ៊ុនម៉ាណែត បានអញ្ជើញចូល​រួម​គោរពវិញ្ញាណក្ខន្ធសព លោកវេជ្ជបណ្ឌិត ស៊ូ សុថន អគ្គមហាឧបាសកពុទ្ធសាសនូបត្ថម្ភក៍ ដែលជាឪពុកបង្កើតរបស់ លោកសាស្ត្រាចារ្យជំនួយ ស៊ូ ស៊ីផាណ្ណា នាយកមន្ទីរពេទ្យ ហ្លួង ម៉ែ ដែលបានទទួលមរណភាពនៅថ្ងៃទី៤ ខែមករា ឆ្នាំ២០២៥ វេលាម៉ោង ០៩:៤៥នាទីព្រឹក ក្នុងជន្មាយុ ៨១ឆ្នាំ ដោយជរាពាធ។

សម្ដេចធិបតី​ ថ្លែងចូលរួមរំលែកមរណទុក្ខដ៏សែនក្រៀមក្រំបំផុតជាមួយលោកសាស្ត្រាចារ្យ និង​លោកស្រី ព្រមទាំងក្រុមគ្រួសារទាំងមូល និងគោរព​បួងសួងដល់ដួងវិញ្ញាណក្ខន្ធសពវេជ្ជបណ្ឌិត ស៊ូ សុថន អគ្គមហាឧបាសកពុទ្ធសាសនូបត្ថម្ភក៍ សូមបានយោនយោគ​ក្នុង​ទីឋាន​បរមសុខ​កុំបី​ឃ្លៀង​ឃ្លាត​ឡើយ៕