យោងតាមក្រុមសង្កេតការណ៍សិទ្ធិមនុស្សស៊ីរី បានឲ្យដឹងថា បន្ទាប់ពីការបណ្តេញចេញរដ្ឋាភិបាលលោក Bashar al-Assad កាលពីខែមុន នៅក្នុងខេត្ត Quneitra ភាគខាងត្បូងប្រទេស៊ីរី កងកម្លាំងអ៊ីស្រាអែល តាមសេចក្តីរាយការណ៍ ថាបានឆ្លងចូលទៅក្នុងភូមិជាច្រើន កាលពីថ្ងៃអាទិត្យ ដោយបានដំឡើងរបាំងរាំង ដែលបានធ្វើឲ្យរំខានដល់ជីវិតជនស៊ីវិល និងបានបិទសាលារៀននៅក្នុងសហគមន៍យ៉ាងហោចណាស់មួយកន្លែង ។

ក្រុមសង្កេតការណ៍ ដែលបានដកស្រង់សំដីសាក្សីបាននិយាយថា អ្នកស្រុកបានព្យាយាមរារាំងការឈ្លានពាន ប៉ុន្តែអង្គភាពអ៊ីស្រាអែលបានរុលទៅមុខ ដោយបានកាន់កាប់ទីតាំងច្រើនកន្លែង និងបានឃុំខ្លួនយ៉ាងហោចណាស់មនុស្សម្នាក់ នៅក្នុងខេត្ត Daraa។

ភាពតានតឹង ក៏បានបន្តកើតមាននៅភាគខាងជើងប្រទេសស៊ីរី ជាកន្លែងដែលក្រុមគាំទ្រដោយទួរគី នៅក្នុងជួរកងទ័ពជាតិស៊ីរី (SNA) បានកំណត់គោលដៅលើកងកម្លាំងប្រជាធិបតេយ្យស៊ីរី (SDF) គាំទ្រដោយសហរដ្ឋអាមេរិកនៅជិតក្រុង Manbij ភាគឦសានទីក្រុង Aleppo ។

ក្រុមសង្កេតការណ៍ បានរាយការណ៍ថា ការវាយប្រហារតាមអាកាសរបស់ទួរគី ក្នុងគោលបំណងបំពានលើខ្សែការពាររបស់កងកម្លាំងការពារអ៊ីស្រាអែល(SDF) ដែលអាចកំណត់គោលដៅជាទីតាំងយុទ្ធសាស្ត្រ នៅជាយក្រុង Aleppo ។

យោងតាមក្រុមសង្កេតការណ៍បានឱ្យដឹងថា អ្នកប្រយុទ្ធជាង១០០នាក់ ត្រូវបានសម្លាប់ក្នុងរយៈពេលពីរថ្ងៃនៃការប៉ះទង្គិចគ្នា ដែលភាគច្រើនមកពីកងកម្លាំងដែលគាំទ្រដោយប្រទេសទួរគី។

ដោយឡែកក្រុមសង្កេតការណ៍បានរាយការណ៍ពីការកើនឡើងនៃការជួញដូរអាវុធធុនតូច ដែលភាគច្រើននៃអាវុធនេះបានលួចចេញពីឃ្លាំងយោធារដ្ឋាភិបាលដែលគេបោះបង់ចោល។ ក្រុមសង្កេតការណ៍បាននិយាយថា សព្វាវុធត្រូវបានលក់ក្នុងតម្លៃថោក ដែលបានធ្លាក់ទៅដល់ដៃរបស់ក្រុមជនអន្ធពាលដែលខ្វះការបណ្តុះបណ្តាល និងការយល់ដឹងអំពីគ្រោះថ្នាក់។