មន្ត្រីហ្វីលីពីន និងសហរដ្ឋអាមេរិក បាននិយាយថា ជនជាតិអាហ្វហ្គានីស្ថាន រហូតដល់ទៅ ៣០០នាក់ បានមកដល់ប្រទេសហ្វីលីពីន នៅថ្ងៃចន្ទនេះ ដើម្បីស្នាក់នៅបណ្តោះអាសន្ន ខណៈកំពុងដំណើរការសម្រាប់ការតាំងទីលំនៅថ្មី នៅសហរដ្ឋអាមេរិក។

ប្រទេសហ្វីលីពីន និងសហរដ្ឋអាមេរិក បានចុះហត្ថលេខាលើកិច្ចព្រមព្រៀង កាលពីខែកក្កដាឆ្នាំមុន ដែលអនុញ្ញាតឲ្យជនជាតិអាហ្វហ្គានីស្ថានរាប់រយនាក់ ស្នាក់នៅក្នុងទីក្រុងម៉ានីល ខណៈដែលទិដ្ឋាការអន្តោ  ប្រវេសន៍ពិសេសរបស់សហរដ្ឋអាមេរិក កំពុងដំណើរការ។

ដំណើរការនេះ នៅតែបន្ត បើទោះបីជាមានការប្រឆាំងក្នុងស្រុកក្នុងប្រទេសដែលកាន់សាសនាកាតូលិកភាគច្រើន អំពីសន្តិសុខ និងក្តីបារម្ភផ្សេងទៀតក៏ដោយ។

អ្នកនាំពាក្យក្រសួងការបរទេសហ្វីលីពីន អ្នកស្រី Teresita Daza បាននិយាយនៅក្នុងសេចក្តីថ្លែងការណ៍មួយថា៖«ក្រសួងការបរទេស (DFA) បានចេញទិដ្ឋាការចូលប្រទេសហ្វីលីពីនសមរម្យដល់បេក្ខជនទាំងនេះ ស្របតាមច្បាប់ និងបទប្បញ្ញត្តិបច្ចុប្បន្ន»។

«បេក្ខជនទាំងអស់ បានបញ្ចប់ការត្រួតពិនិត្យសន្តិសុខយ៉ាងទូលំទូលាយ ដោយភ្នាក់ងារសន្តិសុខជាតិហ្វីលីពីន»។

មន្ត្រីក្រសួងការបរទេសអាមេរិកម្នាក់ ដែលនិយាយក្នុងលក្ខខណ្ឌអនាមិក នឹងមិនជាក់លាក់អំពីចំនួន ដែលពាក់ព័ន្ធ ក្រៅពីនិយាយថា «មានជនជាតិអាហ្វហ្គានីស្ថានរហូតដល់ ៣០០នាក់»។