សហរដ្ឋអាមេរិក គ្រោងនឹងប្រកាសជាបន្ទាន់នូវការបន្ធូរបន្ថយការរឹតបន្តឹង លើការផ្តល់ជំនួយមនុស្សធម៌ និងសេវាមូលដ្ឋានផ្សេងទៀត ដូចជាអគ្គិសនីដល់ប្រទេសស៊ីរី ខណៈដែលនៅតែរក្សារបបទណ្ឌកម្មដ៏តឹងរឹងរបស់ខ្លួន ឲ្យនៅដដែល។ នេះបើយោងតាមមនុស្ស ដែលបានរាយការណ៍អំពីបញ្ហានេះ។

ការសម្រេចចិត្តដោយរដ្ឋបាលលោក បៃដិន(Biden) ដែលជិតផុតអាណត្តិហើយនោះ នឹងបញ្ជូនសញ្ញានៃសុច្ឆន្ទៈ ទៅកាន់មេដឹកនាំឥស្លាមនិយមថ្មីរបស់ប្រទេសស៊ីរី ហើយមានគោលបំណងត្រួសត្រាយផ្លូវសម្រាប់ការធ្វើឲ្យប្រសើរឡើងនូវស្ថានភាពរស់នៅដ៏លំបាកនៅក្នុងប្រទេសដែលរងការបំផ្លិចបំផ្លាញដោយសង្រ្គាម ខណៈពេលដែលកំពុងដើរដោយប្រុងប្រយ័ត្ន និងរក្សាឥទ្ធិពលរបស់សហរដ្ឋអាមេរិក ជាធរមាន។

មន្ត្រីអាមេរិក បានជួបប្រជុំជាច្រើនដង ជាមួយសមាជិកនៃរដ្ឋបាលកាន់អំណាច ចាប់តាំងពីការបញ្ចប់គួរឲ្យភ្ញាក់ផ្អើលនៃការគ្រប់គ្រងរបស់គ្រួសារលោក អាសាដ រយៈពេលជាង ៥០ឆ្នំា កាលពីថ្ងៃទី ០៨ ខែធ្នូ បន្ទាប់ពីការវាយលុកយ៉ាងឆាប់  រហ័សរបស់ក្រុមឧទ្ទាមរ។

ក្រុម HTS ជាក្រុមដែលដឹកនាំឲ្យមានការរីចចម្រើនទៅមុខ បានបោះបង់ចោលទំនាក់ទំនងអតីតក្រុមអាល់កៃដា តាំងពីយូរយារណាស់មកហើយ និងបានប្រយុទ្ធជាមួយក្រុមនេះ ប៉ុន្តែពួកគេនៅតែត្រូវបានចាត់ទុក ជាអង្គភាពភេរវកម្ម ដោយសហរដ្ឋអាមេរិក ហើយទីក្រុងវ៉ាស៊ីនតោន ចង់ឃើញពួកគេសហការលើអាទិភាពដូចជាការប្រឆាំងភេរវកម្ម និងការបង្កើតរដ្ឋាភិបាលចម្រុះនៃជនជាតិស៊ីរីទាំងអស់។