អ្នកស្រុកក្រុងបាងកក ត្រូវបានជំរុញឲ្យពាក់ម៉ាស់ និងជៀសវាងការស្នាក់នៅខាងក្រៅរយៈពេលយូរ បន្ទាប់ពីគុណភាពខ្យល់ នៅក្នុងរដ្ឋធានីរបស់ប្រទេសថៃមួយនេះ បានធ្លាក់ចុះនៅព្រឹកថ្ងៃចន្ទ (ទី៦ ខែមករា) នេះ។

មជ្ឈមណ្ឌលព័ត៌មានគុណភាពខ្យល់របស់រដ្ឋបាលក្រុងបាងកក (BMA) បានឲ្យដឹងថា នៅព្រឹកថ្ងៃទី៦ ខែមករានេះ គុណភាពខ្យល់នៅក្នុងសង្កាត់ចំនួន ៥៥ របស់ទីក្រុងបាងកក ទាបជាងស្តង់ដារសុវត្ថិភាព។

មជ្ឈមណ្ឌលបានរាយការណ៍ពីកម្រិតភាគល្អិត PM2.5 ជាមធ្យម នៅទូទាំងទីក្រុងនេះ គឺ ៤១,១មីក្រូក្រាមក្នុងមួយម៉ែត្រគូប ពោលគឺទាបជាងបន្តិចក្រោមកម្រិតស្តង់ដាររបស់ប្រទេស ៣៧,៥មីក្រូក្រាម ក្នុងរយៈពេលជាមធ្យម ៣ម៉ោង (ពី ៥ព្រឹកដល់ ៧ព្រឹក ម៉ោងក្នុងស្រុក)។

PM2.5 សំដៅលើភាគល្អិតធូលីដែលមានអង្កត់ផ្ចិត ២,៥មីក្រូម៉ែត្រ ឬតិចជាងនេះ ជាការប៉ះពាល់រយៈពេលវែងដែលត្រូវបានផ្សារភ្ជាប់ទៅនឹងជំងឺរ៉ាំរ៉ៃ ក្នុងនោះរួមទាំងបញ្ហាសួត និងបេះដូងផងដែរ។

មជ្ឈមណ្ឌលនេះបានជំរុញឲ្យអ្នកស្រុកក្រុងបាងកកពាក់ម៉ាស ពេលចេញពីផ្ទះសម្បែងរបស់ខ្លួន ហើយជៀសវាងការស្នាក់នៅខាងក្រៅរយៈពេលយូរ។ ស្ថាប័ននេះក៏បានណែនាំអ្នករស់នៅទីក្រុងឲ្យតាមដានសង្កេតមើលរោគសញ្ញារបស់ខ្លួន ដូចជា ក្អក ពិបាកដកដង្ហើម និងរមាស់ភ្នែកជាដើម៕