ប្រទេសចិន បានលាតត្រដាងជាលើកដំបូងថា លោកប្រធានាធិបតី Xi Jinping បានប្រាស្រ័យទាក់ទងជាមួយប្រធានាធិបតីជាប់ឆ្នោតរបស់សហរដ្ឋអាមេរិក លោក Donald Trump ដែលកំពុងត្រៀមខ្លួនចូលកាន់តំណែង ក្នុងខែនេះ។

ការប្រកាសនេះ បានធ្វើឡើង មួយថ្ងៃបន្ទាប់ពីលោក Trump បានប្រាប់ពិធីករវិទ្យុអភិរក្សនិយមអាមេរិក លោក Hugh Hewitt កាលពីថ្ងៃចន្ទថា លោក និងលោកប្រធានាធិបតី Xi ធ្លាប់បាននិយាយគ្នា តាមរយៈ  មន្ត្រី ហើយថា ពួកគេ «ប្រហែលជានឹងមានចុះសម្រុងគ្នាយ៉ាងល្អ»។

នៅពេលត្រូវបានសួរអំពីទស្សនវិស័យកាលពីថ្ងៃអង្គារ អ្នកនាំពាក្យក្រសួងការបរទេសចិនលោក Guo Jiakun បាននិយាយថា ទីក្រុងប៉េកាំង «យកចិត្តទុកដាក់យ៉ាងខ្លាំង» ចំពោះការលើកឡើងរបស់លោក Trump។

លោកបានបន្ថែមថា៖«ប្រទេសចិន និងសហរដ្ឋអាមេរិក បានរក្សាទំនាក់ទំនង តាមរយៈមធ្យោបាយ    ផ្សេងៗ។

លោកក៏បានសង្កត់ធ្ងន់ថា ប្រទេសចិន មានឆន្ទៈក្នុងការសហការជាមួយសហរដ្ឋអាមេរិក លើគោលការណ៍នៃការគោរពគ្នាទៅវិញទៅមក ទំនាក់ទំនងសន្តិវិជ្ជមាន និងកិច្ចសហប្រតិបត្តិការឈ្នះ-ឈ្នះ ដើម្បីលើកកម្ពស់ការពង្រីកទំនាក់ទំនងចិន-អាមេរិកប្រកបដោយស្ថិរភាព សុខភាពល្អ និងរយៈពេលវែង ដើម្បីផលប្រយោជន៍នៃប្រទេសទាំងពីរ និងពិភពលោកទាំងមូល។

នេះមិនមែនជាលើកទី១ ទេ ដែលលោក Trump បាននិយាយថា លោកមានទំនាក់ទំនងជាមួយមេដឹកនាំចិន ចាប់តាំងពីឈ្នះការបោះឆ្នោត កាលពីខែវិច្ឆិកា ឆ្នាំ ២០២៤។