នាយករដ្ឋមន្ត្រីរបស់ខ្លួន បាននិយាយកាលពីថ្ងៃពុធថា ប្រទេសស្រីលង្កា នឹងបង្រ្កាបលើសកម្មភាពខុសច្បាប់ដែលត្រូវបានរាយការណ៍ថា ធ្វើឡើងដោយអ្នកទេសចរអ៊ីស្រាអែល បន្ទាប់ពីមានការត្អូញត្អែរជាបន្តបន្ទាប់ ចាប់តាំងពីឆ្នាំមុនទាក់ទងនឹងការមកដល់របស់ពួកគេ នៅក្នុងប្រទេសនេះ។

យោងតាមទិន្នន័យរបស់រដ្ឋាភិបាល បានឲ្យដឹងថា ជនជាតិអ៊ីស្រាអែលសរុបចំនួន ២៥.៥១៤នាក់ បានទៅលេងប្រទេសស្រីលង្កា ក្នុងឆ្នាំ ២០២៤។ គោលដៅមួយក្នុងចំណោមទិសដៅ ដែលពួកគេចូលចិត្ត គឺ ទីទីក្រុង Arugam Bay ដែលជាទីក្រុងតូចមួយ នៅឆ្នេរសមុទ្រភាគអាគ្នេយ៍ ដែលត្រូវបានទទួលស្គាល់យ៉ាងទូលំទូលាយថា ជាកន្លែងកម្សាន្តដ៏ល្អបំផុតមួយរបស់ពិភពលោក។

តំបន់មូស្លីមដ៏លើសលប់ បានធ្វើឲ្យមានចំណងជើងនៅលើសារព័ត៌មានអន្តរជាតិ នៅក្នុងខែតុលា ឆ្នាំមុន នៅពេលដែលអាជ្ញាធរអាមេរិក និងអ៊ីស្រាអែល បានព្រមានភ្ញៀវទេសចរអំពីអ្វីដែលពួកគេនិយាយថា ជា   «ការគំរាមកំហែងភេរវកម្ម» ដែលផ្តោតលើតំបន់ទេសចរណ៍ និងឆ្នេរសមុទ្រ។ ការគំរាមកំហែងនេះ បានធ្វើឡើង បន្ទាប់ពីមានការឈ្លោះប្រកែកគ្នាជាបន្តបន្ទាប់រវាងជនជាតិអ៊ីស្រាអែល និងអ្នកស្រុកស្រីលង្កា។

ការបង្ហោះតាមប្រព័ន្ធផ្សព្វផ្សាយសង្គមដោយអ្នកទស្សនា ទៅកាន់ទីក្រុង Arugam Bay និងការត្អូញត្អែរពីអ្នកស្រុកផ្ទាល់ បង្ហាញថា ជនជាតិអ៊ីស្រាអែលជាច្រើននាក់ បានមកលំហែកម្សាន្ត បន្ទាប់ពីបានចូលរួមក្នុងការវាយលុកដ៏សាហាវ ដែលកំពុងបន្តលើជនជាតិប៉ាឡេស្ទីន នៅតំបន់ហ្កាហ្សា។

អ្នកស្រុកក៏បានត្អូញត្អែរផងដែរអំពីការលេចឡើងនៃអាជីវកម្មរបស់អ៊ីស្រាអែល នៅក្នុងតំបន់ និងការសាងសង់ផ្ទះ Chabad ដែលជាមជ្ឈមណ្ឌលសហគមន៍ជ្វីហ្វ និងកន្លែងគោរពបូជា។