ខ្សែភាពយន្តហូលីវូដ បានបង្ហាញរូបភាពជាច្រើននៃការប្រយុទ្ធដ៏អស់សង្ឃឹមប្រឆាំងនឹងកម្លាំងនៃការបំផ្លិចបំផ្លាញដោយសារភ្លើងចំហេះព្រៃដ៏លើសលប់។

ទិដ្ឋភាពជីវិតពិតនៃខ្សែភាពយន្តបង្ហាញពីគ្រោះមហន្តរាយមួយ កំពុងផ្ទុះឡើង នាពេលបច្ចុប្បន្ននេះ។ ភ្លើងចំហេះព្រៃ ដែលត្រូវបានជំរុញដោយខ្យល់ព្យុះ Santa Ana ដ៏កាចសាហាវ ដែលបក់ចេញពីវាលខ្សាច់ កំពុងឆេះរាលដាលពាសពេញសង្កាត់នានានៃតំបន់ Los Angeles យ៉ាងឆាប់រហ័ស និងបំផ្លិចបំផ្លាញបំផុត នៅក្នុងសង្កាត់ Pacific Palisades ដែលមានតារាឧស្សាហកម្មភាពយន្តជាច្រើន រស់នៅ។

អ្នកស្រុករាប់ពាន់នាក់ បានភៀសខ្លួនចេញ ខណៈដែលដីរាប់ពាន់ហិចតា ផ្ទះជាច្រើនខ្នងមានតម្លៃរាប់លានដុល្លារ និងស្លឹកឈើដ៏ខៀវស្រងាត់ ត្រូវបានឆាបឆេះទាំងស្រុង ដោយមានអ្នកស្លាប់យ៉ាងតិច ៥នាក់ ត្រូវបានរាយការណ៍ រហូតមកទល់ពេលនេះ។

គិតត្រឹមថ្ងៃត្រង់នេះ អគ្គិភ័យមិនអាចគ្រប់គ្រងបានឡើយ ហើយរថយន្តពន្លត់អគ្គិភ័យ កំពុងរាយការណ៍ថា ទុយោទឹកជាច្រើន មិនអាចប្រើប្រាស់បាន ដោយសារខ្វះទឹក។

លោក Lindsey Horvath អ្នកគ្រប់គ្រងប្រចាំតំបន់ LA បាននិយាយថា៖«យើងភ្ញាក់ឡើងជាមួយនឹងពពកខ្មៅ នៅទូទាំងទីក្រុង Los Angeles ប៉ុន្តែវាងងឹតបំផុតសម្រាប់អ្នកដែលរងផលប៉ះពាល់ដោយភ្លើងចំហេះព្រៃទាំងនេះ»។