ការិយាល័យការបរទេសរបស់ក្រុមតាលីបង់ បាននិយាយថា ពួកគេមើលឃើញថា ឥណ្ឌា គឺជា «ដៃគូក្នុងតំបន់ និងសេដ្ឋកិច្ចដ៏សំខាន់» បន្ទាប់ពីបានជួបជាមួយមន្ត្រីក្រសួងការបរទេសជាន់ខ្ពស់បំផុតរបស់ខ្លួន ដែលជាកិច្ចពិភាក្សាកម្រិតខ្ពស់បំផុតជាមួយទីក្រុងដែលី ចាប់តាំងពីពួកគេ បានចូលគ្រប់គ្រងប្រទេស    អាហ្វហ្គានីស្ថាន ក្នុងឆ្នាំ ២០២១។

រដ្ឋមន្ត្រីការបរទេសឥណ្ឌាលោក Vikram Misri បានជួបជាមួយរដ្ឋមន្ត្រីការបរទេសស្តីទីតាលីបង់ លោក Amir Khan Muttaqi នៅទីក្រុងឌូបៃ កាលពីថ្ងៃពុធ។

ក្រសួងការបរទេសអាហ្វហ្គានីស្ថាន បាននិយាយនៅក្នុងសេចក្តីថ្លែងការណ៍មួយថា ពួកគេបានពិភាក្សាអំពីការពង្រីកទំនាក់ទំនង ជាមួយអាហ្វហ្គានីស្ថាន និងជំរុញពាណិជ្ជកម្ម តាមរយៈកំពង់ផែ Chabahar ក្នុងប្រទេសអ៊ីរ៉ង់ ដែលឥណ្ឌាកំពុងអភិវឌ្ឍន៍សម្រាប់ទំនិញ ដើម្បីឆ្លងកាត់កំពង់ផែ Karachi និង Gwadar ក្នុងប្រទេសប៉ាគីស្ថានដែលជាគូប្រជែង។

សេចក្តីថ្លែងការណ៍ពីក្រសួងការបរទេសអាហ្វហ្គានីស្ថាន បានបញ្ជាក់កាលពីល្ងាចថ្ងៃពុធថា៖«ស្របតាមគោលនយោបាយការបរទេសដែលមានតុល្យភាព និងផ្តោតលើសេដ្ឋកិច្ចរបស់ប្រទេសអាហ្វហ្គានីស្ថាន អេមីរ៉ាតឥស្លាម មានគោលបំណងពង្រឹងទំនាក់ទំនងនយោបាយ និងសេដ្ឋកិច្ច ជាមួយប្រទេសឥណ្ឌា ដែលជាដៃគូសេដ្ឋកិច្ចដ៏សំខាន់ នៅក្នុងតំបន់»។