ព្រិលលាយឡំនឹងភ្លៀងធ្លាក់ បានវាយប្រហារប្រទេសបែលហ្ស៊ិក ស្របពេលដែលការប្រកាសអាសន្នកម្រិតពណ៌លឿង ត្រូវបានដាក់នៅតាមតំបន់ភាគច្រើនក្នុងប្រទេសមួយនេះ ។

គ្មានការខាក់ខានដល់ការធ្វើចរាចរណ៍ជើងគោកនោះទេ ប៉ុន្តែជើងហោះហើរ បានរងផលប៉ះពាល់ដោយសារការពន្យាពេល និងការលុបចោលការហោះហើរ ។

វិទ្យាស្ថានឧតុនិយមភូមិន្ទបែលហ្ស៊ិក(RMI) បានអំពាវនាវឲ្យប្រជាពលរដ្ឋមានការប្រុងប្រយ័ត្នខ្ពស់ចន្លោះថ្ងៃពុធ និងថ្ងៃព្រហស្បតិ៍ ។

នៅតំបន់ខ្លះទៀតក្នុងប្រទេសបែលហ្ស៊ិក ព្រិលរលាយ ធ្វើឲ្យផ្លូវរអិលផងដែរ ខណៈ RMI បានព្យាករណ៍ថា ព្រិលធ្លាក់កម្រាស់ចន្លោះ ១សង់ទីម៉ែត្រ ទៅ ៥សង់ទីម៉ែត្រ នឹងកើតមាននៅតាមតំបន់ជាច្រើន ហើយតំបន់ខ្លះទៀត អាចនឹងមានព្រិលធ្លាក់ក្រាស់ជាងនេះ ។ 

នៅក្នុងទីក្រុងព្រុចសែល ព្រិលចាប់ផ្តើមធ្លាក់កាលពីល្ងាចថ្ងៃពុធ ហើយនិងបន្តធ្លាក់រហូតដល់ថ្ងៃព្រហស្បតិ៍នេះ ។ ខណៈពេលនោះដែរ សួនកម្សាន្ត Bois de la Cambreស្ថិតក្នុងទីក្រុងព្រុចសែល ត្រូវបានបិទសេវាកម្ម រហូតដល់មានការជូនដំណឹងបន្ថែមទៀត ៕