សីតុណ្ហភាពត្រជាក់បំផុតក្នុងរដូវកាលនេះបានវាយប្រហារលើប្រទេសកូរ៉េខាងត្បូង កាលពីថ្ងៃព្រហស្បតិ៍ (០៩ មករា) ជាមួយនឹងសេចក្ដីណែនាំពីរលកត្រជាក់ត្រូវបានដាក់ចេញនៅក្នុងតំបន់ភាគច្រើននៃប្រទេស ខណៈសីតុណ្ហភាពពេលព្រឹកបានធ្លាក់ចុះក្រោមដក ១០អង្សាសេ ហើយសីតុណ្ហភាពទំនងជាធ្លាក់ចុះទៀតនៅថ្ងៃសុក្រ (១០ មករា) សប្ដាហ៍នេះ។

យោងតាមរដ្ឋបាលឧតុនិយមកូរ៉េ KMA បានឱ្យដឹងថា សេចក្តីណែនាំអំពីរលកត្រជាក់បានចូលជាធរមាននៅតំបន់ភាគច្រើននៃប្រទេសនៅព្រឹកថ្ងៃទី០៩ ខែមករា។

យោងតាមទីភ្នាក់ងារអាកាសធាតុរដ្ឋបានឱ្យដឹងថា គិតត្រឹមម៉ោង ៨ព្រឹកម៉ោងក្នុងស្រុក ថ្ងៃទី០៩ ខែមករា សីតុណ្ហភាពទាបបំផុតនៅទីក្រុងសេអ៊ូល ត្រូវបានកត់ត្រានៅ -១០,២អង្សាសេ ជាមួយនឹងខ្យល់បក់ខ្លាំងធ្វើឱ្យសីតុណ្ហភាពខ្យល់ធ្លាក់ចុះដល់ -១៦,៧អង្សារសេ។

ក្រៅពីទីក្រុងសេអ៊ូល ទីក្រុង Daegwallyeong និង Cheorwon ក្នុងខេត្ត Gangwon បានមើលឃើញសីតុណ្ហភាពធ្លាក់ចុះដល់ -១៦,៩អង្សាសេ និង -១៣,៦អង្សាសេរៀងគ្នា។ KMA បញ្ជាក់ថា ខ្យល់ត្រជាក់ត្រូវបានគេរំពឹងថានឹងឈានដល់កម្រិតខ្ពស់ខ្លាំងនៅថ្ងៃទី១០ ខែមករា នេះ ជាមួយនឹងកម្រិតអាកាសធាតុទាបនៅពេលព្រឹក ត្រូវបានគេប៉ាន់ស្មានថាមានចន្លោះពី -២១អង្សារសេ ដល់ -៥អង្សារសេ នៅទូទាំងប្រទេស៕