តំបន់នានានៅភាគកណ្តាលនិងភាគខាងជើងប្រទេសជប៉ុន បានរងការវាយប្រហារដោយព្រិលធ្លាក់ខ្លាំង នៅថ្ងៃសុក្រ ទី១០ ខែមករានេះ ខណៈអាកាសធាតុត្រជាក់មុនរដូវកាលបាននាំមកនូវសីតុណ្ហភាពត្រជាក់ដល់កក នៅទូទាំងប្រទេស។

ប្រព័ន្ធផ្សព្វផ្សាយក្នុងស្រុកបានរាយការណ៍ថា ការធ្លាក់ព្រិល បានធ្វើឲ្យប៉ះពាល់ដល់ស្ថានភាពចរាចរណ៍នៅក្នុងខេត្តជាច្រើន បណ្តាលឱ្យមានការពន្យារពេលរថភ្លើងល្បឿនលឿនមួយចំនួន។

ខ្សែរថភ្លើង Yamagata Shinkansen ដែលរត់ពីទីក្រុងតូក្យូ ទៅកាន់ខេត្ត Yamagata ត្រូវបានផ្អាកនៅព្រឹកថ្ងៃសុក្រនេះ ដោយសារតែព្រិលធ្លាក់ខ្លាំង ប៉ុន្តែបានដំណើរការឡើងវិញនៅម៉ោងប្រហែល១១ព្រឹក ម៉ោងក្នុងស្រុក។

សារព័ត៌មានក្នុងស្រុក Asahi Shimbun បានរាយការណ៍ថា ផ្នែកមួយចំនួននៃខេត្ត Niigata ភាគខាងជើង បានជន់លិចរួចហើយដោយព្រិលធ្លាក់ខ្លាំងក្នុងរយៈពេលប៉ុន្មានថ្ងៃកន្លងទៅនេះ។

យោងតាមប្រព័ន្ធផ្សព្វផ្សាយក្នុងស្រុកបានឱ្យដឹងថា ទីក្រុង Nagoya ភាគកណ្តាល ពេលនេះកំពុងមានព្រិលធ្លាក់ជាលើកដំបូងក្នុងរយៈពេលពីរឆ្នាំមកនេះ។

ទន្ទឹមនឹងនេះ ការធ្លាក់ព្រិលនៅតែបន្តនៅក្នុងតំបន់តាមបណ្តោយសមុទ្ររបស់ប្រទេសសជប៉ុន។

មន្ត្រីឧតុនិយមនិយាយថា ការកើនឡើងយ៉ាងឆាប់រហ័សហាក់ដូចជាមានការថយចុះ ប៉ុន្តែនៅតែមានការព្រមានអំពីព្យុះភ្លៀង និងការរំខានដល់ការធ្វើដំណើរនៅក្នុងតំបន់។