​ស្នូកឃ័រ​៖ ​ជើងឯក​ស្នូកឃ័រ​ពិភពលោក ៦​សម័យ Ronnie O’Sullivan បាន​កក់​កៅអី​នៅ​វគ្គ ៣២​នាក់​ចុងក្រោយ​ហើយ​នៃ​ព្រឹត្តិការណ៍​ស្នូកឃ័រ​ជើងឯក English Open ក្រោយ​យកឈ្នះ Michael Georgiou ៤-១ហ្វ្រេ​ម​។ ​​កីឡាករ​វ័យ ៤៥ឆ្នាំ Ronnie O’Sullivan បាន​ចាញ់​ហ្វ្រេ​ម​ទី១ មុន​ពេលដែល​វាយបក​ពីក្រោយ ៤ហ្វ្រេ​ម​ផ្ទួន​ដោយ​ពិន្ទុ​មួយ​ឈើ ៨២ពិន្ទុ ១២៧ពិន្ទុ ១២៩ពិន្ទុ និង​ហ្វ្រេ​ម​ចុងក្រោយ ១០៨ពិន្ទុ​ពោលគឺ ៤ហ្វ្រេ​ម​ចុងក្រោយ​គូប្រកួត Michael Georgiou រក​មិនបាន​សូម្បី​មួយ​ពិន្ទុ​។

​​ជ័យជំនះ​នេះ​ធ្វើឱ្យ Ronnie O’Sullivan បន្តដំណើរ​ទៅ​ជួប​ជាមួយ Anthony Hamilton ដែលជា​អតីត​ដៃគូ​ហ្វឹកហាត់​ជាមួយគ្នា​។ ​​លទ្ធផល​ផ្សេងទៀត​រួមមាន​អ្នកការពារ​តំណែង​ជើងឯក Judd Trump យកឈ្នះ​កីឡាករ​អង់គ្លេស Steven Hallworth ៤-១ហ្វ្រេ​ម ខណៈ​កីឡា​ករ​លេខ ៤ ពិភពលោក Neil Robertson ក៏​ឡើង​វគ្គ​បន្ត​ដែរ​ក្រោយ​យកឈ្នះ​កីឡាករថៃ Sunny Akani ៤-២ហ្វ្រេ​ម​។ ​​តែ​កីឡាករ​លំដាប់​លេខ ១៦ ពិភពលោក Anthony McGill បាន​ធ្លាក់​ចេញពី​ការប្រកួត​មិនគួរ​ឱ្យ​ជឿ​ ក្រោយ​ចាញ់កីឡាករ​ជើង​ថ្មី​ស្កុ​ត​ឡេ​ន Ross Muir ៤-០ហ្វ្រេ​ម​៕

​អត្ថបទ​៖​នាង សុភា​វុ​ធ