ប្រធានាធិបតីអ៊ីតាលីលោក Sergio Mattarellaបានជួបជាមួយសមភាគីអ៊ុយក្រែនលោក Volodymyr Zelenskiy នៅថ្ងៃសុក្រនេះ ហើយលោកបានបញ្ជាក់ឡើងវិញពីការប្តេជ្ញាចិត្តប្រទេសរបស់លោក ក្នុងការបន្តការគាំទ្រអ៊ុយក្រែន នៅក្នុងសង្រ្គាមរបស់ពួកគេជាមួយរុស្ស៊ី ។

លោក Mattarellaនិយាយថា លោកសូមបញ្ជាក់ពីការតាំងចិត្តរបស់អ៊ីតាលី ក្នុងការរក្សាការគាំទ្រយ៉ាងពេញទំហឹង មិនផ្លាស់ប្តូរ និងថិតថេរសម្រាប់អ៊ុយក្រែន ប្រឆាំងនឹងការវាយលុករបស់សហព័ន្ធរុស្ស៊ី ។

លោកបន្តថា ពួកយើងធ្វើបែបនេះ សម្រាប់មិត្តភាពចងសម្ព័ន្ធរវាងអ៊ីតាលី និងអ៊ុយក្រែន សម្រាប់ការគោរពច្បាប់សន្តិសហវិជ្ជមានអន្តរជាតិប្រឆាំងនឹងការបន្លំឆន្ទៈលើប្រទេសមួយផ្សេងទៀត ដោយប្រើប្រាស់អាវុធ ហើយនិងសម្រាប់សន្តិសុខអឺរ៉ុបទាំងមូល ។

មេដឹកនំាទាំង ២ បានជួបគ្នានៅឯវិមានប្រធានាធិបតី Quirinale ស្ថិតក្នុងទីក្រុងរ៉ូម រយៈពេល ១ថ្ងៃ ក្រោយលោក Zelenskiy ជួបជាមួយនាយករដ្ឋមន្រ្តីអ៊ីតាលី លោកស្រី Giorgia Meloni ជាទីដែលលោក និយាយថា លោកនឹងពិភាក្សាលើការធ្វើឲ្យល្អប្រសើរឡើងប្រព័ន្ធការពារដែនអាកាសអ៊ុយក្រែប្រឆាំងនឹងការវាយប្រហាររបស់រុស្ស៊ី និងកិច្ចខិតខំបង្កើតគោលជំហររួបរួម ឆ្ពោះទៅរកដំណោះស្រាយសង្រ្គាម ៕