យោធារបស់ប្រទេសប៉ាគីស្ថាន បាននិយាយនៅក្នុងសេចក្តីថ្លែងការណ៍មួយថា ភេរវករចំនួន ៥នាក់ ត្រូវបានសម្លាប់ នៅក្នុងប្រតិបត្តិការមួយរបស់កងកម្លាំងសន្តិសុខ នៅក្នុងខេត្ត Khyber Pakhtunkhwa ភាគពាយ័ព្យនៃប្រទេសប៉ាគីស្ថាន។ 

អង្គភាពទំនាក់ទំនងសាធារណៈអន្តរសេវាកម្ម (ISPR) ដែលជាបណ្តាញប្រព័ន្ធផ្សព្វផ្សាយរបស់យោធា បានបញ្ជាក់ថា ឧបទ្ទវហេតុនេះ បានកើតឡើង នៅក្នុងស្រុក Dera Ismail Khan នៃខេត្តនេះ កាលពីថ្ងៃសុក្រ ជាកន្លែងដែលកងកម្លាំងសន្តិសុខ បានធ្វើប្រតិបត្តិការលើមូលដ្ឋាននៃការស៊ើបការណ៍សម្ងាត់ ដែលអាចជឿទុកចិត្តបាន។  

សេចក្តីថ្លែងការណ៍ បានបន្ថែមថា កងទ័ព «បានចូលយ៉ាងប្រសិទ្ធភាព» ទៅក្នុងទីតាំងរបស់ភេរវករ ក្នុងអំឡុងពេលប្រតិបត្តិការ ដែលបណ្តាលឲ្យមានការសម្លាប់ភេរវករទាំងនេះ ក្នុងនោះមានមេបញ្ជាការសំខាន់ម្នាក់ផងដែរ។

អង្គភាពទំនាក់ទំនងសាធារណៈអន្តរសេវាកម្ម (ISPR) ISPR បាននិយាយថា អាវុធ និងគ្រាប់រំសេវ ក៏ត្រូវបានរកឃើញពីក្រុមភេរវករដែលត្រូវបានសម្លាប់ផងដែរ ដែលនៅតែចូលរួមយ៉ាងសកម្មក្នុងសកម្មភាពភេរវកម្មប្រឆាំងនឹងកងកម្លាំងសន្តិសុខ ក៏ដូចជាគោលដៅសម្លាប់ជនស៊ីវិលស្លូតត្រង់ផងដែរ។