ប្រជាជន និងសមាជិកនៃកងកម្លាំងប្រដាប់អាវុធស៊ូដង់ បានអបអរនៅតាមដងផ្លូវនានាក្នុងទីក្រុង Wad Madani កាលពីថ្ងៃអាទិត្យ ទី១២ ខែមករា មួយថ្ងៃបន្ទាប់ពីកងទ័ពបាននិយាយថា ខ្លួនបានរុលចូលទៅក្នុងទីក្រុង Wad Madani ភាគកណ្តាល ហើយបានវាយរុញច្រានគូប្រជែងយោធាប៉ារ៉ារបស់ខ្លួនជាកងកម្លាំងគាំទ្ររហ័ស (RSF)។ ជាជំហានមួយ ប្រសិនបើបានបញ្ចប់ដោយជោគជ័យ វានឹងក្លាយជាការទទួលបានធំបំផុតរបស់ខ្លួន ក្នុងរយៈពេលជិតពីរឆ្នាំនៃសង្រ្គាម។

វីដេអូ ដែលថតបានក្នុងអំឡុងពេលដំណើរទស្សនកិច្ចរៀបចំដោយកងទ័ពសម្រាប់ប្រព័ន្ធផ្សព្វផ្សាយបានបង្ហាញប្រជាជនជាច្រើនកំពុងអបអរ រាំ ច្រៀងនៅតាមដងផ្លូវ។

មេធាវីម្នាក់រស់នៅក្នុងទីក្រុង បាននិយាយថា ពលរដ្ឋបានទទួលរងនូវអ្វីដែលលោកស្រី ហៅថាចោរកម្មចូលលួចនៅតាមផ្ទះ និងការរំលោភបំពានជាច្រើន កាលពីពេលកន្លងទៅនេះ។

កងកម្លាំងគាំទ្ររហ័ស(RSF) បានទម្លាយចូលទៅក្នុងផ្ទះ ហើយក្នុងករណីដែលពួកគេរកពុំឃើញមានអ្វី ពួកគេវាយដុំប្រជាជន។

កងកម្លាំងគាំទ្ររហ័ស(RSF) បដិសេធថា ពុំបានប្រព្រឹត្តការរំលោភបំពានទាំងនេះឡើយ ហើយនិយាយថាអ្នកប្រព្រឹត្តអាក្រក់ណាមួយ នឹងត្រូវបាននាំយកទៅកាត់ទោស។

ការដណ្តើមបានមកវិញ រដ្ឋទាំងមូលនេះ អាចបង្ហាញពីចំណុចរបត់មួយនៅក្នុងសង្រ្គាមដែលបានចាប់ផ្តើមនៅក្នុងខែមេសា ឆ្នាំ ២០២៣ ជុំវិញជម្លោះលើសមាហរណ្មកម្មកងកម្លាំងទាំងពីរ។ នេះបានបង្កើតនូវវិបត្តិមនុស្សធម៌ធំបំផុតមួយរបស់ពិភពលោក ដោយមនុស្សជាង១២លាននាក់បានភៀសខ្លួន ហើយពាក់កណ្តាលនៃចំនួនប្រជាជន ប្រឈមនឹងភាពអត់ឃ្លាន។