រដ្ឋមន្ត្រីការបរទេសអាល្លឺម៉ង់ លោកស្រី Annalena Baerbock បានប្រកាសនៅក្រៅកិច្ចប្រជុំ នៅទីក្រុងរីយ៉ាដស្តីពីប្រទេសស៊ីរី ដែលធ្វើជាម្ចាស់ផ្ទះដោយអារ៉ាប៊ីសាអ៊ូឌីត កាលពីថ្ងៃអាទិត្យថា ប្រទេសអាល្លឺម៉ង់ នឹងចំណាយ ៥០ លានអឺរ៉ូ (៥១,៣ លានដុល្លារ)ទៅលើជំនួយមនុស្សធម៌សម្រាប់ប្រទេសស៊ីរី។

លោក Baerbock បាននិយាយថា៖«ឥឡូវនេះ ស៊ីរីត្រូវការផលប្រយោជន៍ភ្លាមៗ ពីការផ្លាស់ប្តូរអំណាច ហើយយើងបន្តជួយអ្នកនៅក្នុងប្រទេសស៊ីរីដែលគ្មានអ្វី ដូចដែលយើងបានធ្វើទាំងអស់ នៅក្នុងសង្គ្រាម   ស៊ីវិលជាច្រើនឆ្នាំនោះទេ»។

ក្នុងអំឡុងសន្និសីទសារព័ត៌មាន លោកស្រីរដ្ឋមន្ត្រី បាននិយាយថា៖«យើងនឹងផ្តល់ប្រាក់ចំនួន ៥០ លានអឺរ៉ូ ទៀតសម្រាប់ស្បៀងអាហារ ទីជំរកសង្គ្រោះបន្ទាន់ និងការថែទាំសុខភាព ពីព្រោះយើងដឹងថា ក្នុងរយៈពេលមួយឆ្នាំចុងក្រោយនេះ មិនត្រឹមតែមានមនុស្សរាប់លាននាក់ប៉ុណ្ណោះដែលបានរងគ្រោះ មិនមានអាហារគ្រប់គ្រាន់ទេ មិនមានការព្យាបាលគ្រប់គ្រាន់សម្រាប់កុមារ ប៉ុន្តែយើងក៏ដឹងដែរថា ការផ្លាស់ទីលំនៅថ្មីៗនេះ បានធ្វើឲ្យប៉ះពាល់ដល់ស្ត្រី និងកុមារ យ៉ាងធ្ងន់ធ្ងរ។

លោកស្រី បានថ្លែងថា៖«យើងនឹងបន្តគ្រាំប្រជាជនស៊ីរី ដើម្បីរួមចំណែកដល់ការផ្លាស់ប្តូរដោយសន្តិវិធី សម្រាប់មនុស្សគ្រប់គ្នា»។ 

លោកស្រីរដ្ឋមន្ត្រីការបរទេស បាននិយាយថា ជំនួយមិនត្រឹមតែត្រូវការ ដើម្បីជួយអ្នកនៅក្នុងប្រទេសស៊ីរីប៉ុណ្ណោះទេ ប៉ុន្តែថែមទាំងបម្រើជាការវិនិយោគលើសន្តិសុខ នៅក្នុងប្រទេសអាល្លឺម៉ង់ និងទូទាំងទ្វីបអឺរ៉ុបផងដែរ។