ស្របពេលការគំរាមកំហែងនៃបម្រាមវត្តមានរបស់បណ្ដាញសង្គមTikTokកាន់តែជិតមកដល់ក្រុមអ្នកប្រើប្រាស់TikTokរបស់អាមេរិកបានចូលទៅកាន់appកម្មវិធីប្រព័ន្ធផ្សព្វផ្សាយសង្គមរបស់ចិនមួយទៀតមានឈ្មោះថាសាវហុងស៊ូ(Xiaohongshu)ដែលធ្វើឱ្យក្លាយជាកម្មវិធីត្រូវបានទាញយកច្រើនជាងគេនៅអាមេរិក។

ចំនួនអ្នកប្រើប្រាស់TikTok ឬ(TikTok refugees) ខណៈពួកគេហៅខ្លួនឯងបែបនេះ បាននិយាយថា ជម្រើស TikTok ឬ (TikTok alternative) ដែលជាកម្មវិធីរបស់ចិន កំពុងត្រូវបានជ្រើសរើសនៅក្នុងការតវ៉ាចំពោះការហាមប្រាមវត្តមានTikTokនៅលើទឹកដីអាមេរិក ។

តុលាការកំពូលរបស់សហរដ្ឋអាមេរិកនឹងត្រូវកាត់សេចក្តីលើច្បាប់ដែលចែងថា TikTok ត្រូវតែដកខ្លួនចេញពីក្រុមហ៊ុនមេ ByteDance របស់ចិន ត្រឹមថ្ងៃទី ១៩ ខែមករា ពុំនោះត្រូវប្រឈមការហាមប្រាមនៅសហរដ្ឋអាមេរិកជុំវិញបញ្ហាសន្តិសុខជាតិ។

បណ្ដាញសង្គម សាវហុងស៊ូ (Xiaohongshu ដែលភាសាអង់គ្លេសមានន័យថាសៀវភៅក្រហមតូច(Little Red Book) ជា app កម្មវិធីប្រព័ន្ធផ្សព្វផ្សាយសង្គមរបស់ចិនដែលរួមបញ្ចូលមុខងារពាណិជ្ជកម្មអេឡិចត្រូនិក ការបង្ហោះវីដេអូខ្លីៗ និងមុខងារបង្ហោះផ្សេង។

The #tiktokrefugee topic បានប្រមូលផ្តុំការបង្ហោះជាង ១៦០.០០០ វីដេអូនៅលើ បណ្ដាញសង្គមសាវហុងស៊ូ ភាគច្រើនជាវីដេអូរបស់អ្នកប្រើប្រាស់ជនជាតិអាមេរិកដែលបានណែនាំខ្លួន និងសុំការណែនាំអំពីរបៀបប្រើប្រាស់កម្មវិធី ដែលពួកគេហៅថាជា "RedNote" ។

យុវតី ឈ្មោះAlexis Garman គឺជាអ្នកប្រើប្រាស់ TikTok អាយុ ២១ ឆ្នាំនៅក្នុងរដ្ឋ Oklahoma មានអ្នកតាមដានឬfollowersជិត២០,០០០នាក់។នាងបានចូលរួមជាមួយបណ្ដាញសង្គម សាវហុងស៊ូ (Xiaohongshu) កាលពីថ្ងៃអង្គារសប្ដាហ៍នេះ បន្ទាប់ពីបានឃើញអ្នកផ្សេងទៀតបានប្រើ ។ រូបនាវ បាននិយាយថានាងមិនព្រួយបារម្ភជាពិសេសអំពីឯកជនភាពទិន្នន័យនោះទេ។   

ចំណែកក្រុមអ្នកប្រើប្រាស់ជនជាតិអាមេរិកផ្សេងទៀតដែលបានចូលរួមជាមួយបណ្ដាញសង្គមសាវហុងស៊ូ បាននិយាយពួកគេចូលរួមកម្មវិធីនេះ ក្នុងការតវ៉ាចំពោះការហាមប្រាម TikTok ៕