រដ្ឋមន្ត្រីការបរទេសហ្ស៊កដានី លោក Ayman Safadi កាលពីថ្ងៃអង្គារ បានសង្កត់ធ្ងន់លើជំហររួមរវាងហ្ស៊កដានី និងដាណឺម៉ាក ក្នុងការគាំទ្រកិច្ចខិតខំប្រឹងប្រែងដើម្បីសម្រេចបាននូវកិច្ចព្រមព្រៀងដែល នឹងនាំទៅដល់ការបញ្ឈប់ «ការឈ្លានពានលើតំបន់ហ្កាហ្សា»។

លោកបានធ្វើការអត្ថាធិប្បាយនៅក្នុងសន្និសីទសារព័ត៌មានរួមគ្នា នៅទីក្រុង Amman បន្ទាប់ពីកិច្ចប្រជុំជាមួយរដ្ឋមន្ត្រីការបរទេសដាណឺម៉ាកលោក Lars Lokke Rasmussen។ នេះបើយោងតាមសេចក្តីថ្លែងការណ៍របស់ក្រសួង។

លោក Safadi បាននិយាយថា កិច្ចខិតខំប្រឹងប្រែងនាពេលបច្ចុប្បន្ន គួរតែនាំទៅរកកិច្ចព្រមព្រៀង ដែល   ផ្តល់នូវតម្រូវការទាំងអស់ ដើម្បីដោះស្រាយគ្រោះមហន្តរាយមនុស្សធម៌ ដែលបណ្តាលមកពីជម្លោះ ដោយបញ្ជូនជំនួយគ្រប់គ្រាន់ ជាក់ស្តែង រហ័ស និងជាបន្ទាន់ ទៅកាន់តំបន់ហ្កាហ្សា។

លោករដ្ឋមន្ត្រីក៏បានសង្កត់ធ្ងន់ផងដែរអំពីសារៈសំខាន់នៃការធានាសិទ្ធិរបស់ប៉ាឡេស្ទីន ក្នុងការទទួលបានរដ្ឋឯករាជ្យមួយ ដែលមានអធិបតេយ្យភាពលើព្រំដែនឆ្នាំ ១៩៦៧ រួមទាំងទីក្រុងហ្ស៊េរុយសាឡឹមខាងកើតជារដ្ឋធានីរបស់ខ្លួន ដោយផ្អែកលើដំណោះស្រាយរដ្ឋពីរ។

កិច្ចពិភាក្សារបស់រដ្ឋមន្ត្រីទាំងពីរ ក៏បានគ្របដណ្តប់ស្ថានភាព នៅក្នុងប្រទេសស៊ីរី និងបានឃើញការឯកភាពគ្នារវាងភាគីទាំងពីរ លើភាពចាំបាច់នៃការគាំទ្រដំណើរការអន្តរកាលដ៏ទូលំទូលាយ នៅក្នុងប្រទេសនេះ ដែលនាំទៅដល់ការកសាងឡើងវិញនូវប្រទេសស៊ីរីសេរី មានអធិបតេយ្យភាព និងឯករាជ្យ ដែលប្រជាជនស៊ីរីទាំងអស់ អាចរស់នៅបាន។ សេចក្តីថ្លែងការណ៍ បានបញ្ជាក់ថា សន្តិសុខ ស្ថិរភាព និងទទួលបានសិទ្ធិពេញលេញរបស់ពួកគេ។