កាលពីថ្ងៃអង្គារម្សិលមិញ ប្រធានាធិបតីសហរដ្ឋអាមេរិកជិតចាកចេញពីអំណាចលោក Joe Biden បានបង្កើតវិមានជាតិ Chuckwalla និងវិមានជាតិ Sáttítla Highlands នៅក្នុងរដ្ឋ California ។

 ពេលចាប់ផ្តើមអនុសាសន៍ លោក Bidenបានទទួលស្គាល់ភាពធ្ងន់ធ្ងរនៃភ្លើងឆេះព្រៃដែលបានបំផ្លិចបំផ្លាញទីក្រុង Los Angeles ចាប់តាំងពីសប្តាហ៍មុនមកម្ល៉េះ ។ 

 លោកថា រដ្ឋបាលរបស់លោកនឹងសម្របសម្រួលយ៉ាងដិតដល់ជាមួយក្រុមមន្រ្តីរដ្ឋ California ដើម្បីបែងចែកធនធានសម្រាប់ការប្រយុទ្ធប្រឆាំងនឹងភ្លើងឆេះព្រៃ និងជួយដល់អ្នករស់រាន ។

 ផ្ទៃដីជាង ៣៦៤២ហិចតា នឹងត្រូវការពារ ជាមួយនឹងសេចក្តីប្រកាសថ្មីសម្រាប់វិមានជាតិ ២កន្លែងនេះ ។

 អំឡុងសុន្ទរកថារបស់លោក លោក Biden បានលើកឡើងពីសមិទ្ធិផលសម្រេចបានរដ្ឋបាលរបស់លោកក្នុងការប្រយុទ្ធប្រឆាំងនឹងបម្រែបម្រួលអាកាសធាតុ ហើយលោកនិយាយថា លោកនឹងការពារដីជាតិ ប្រឆាំងនឹងសកម្មភាពខួង ។

 លោក Bidenស្ថិតក្នុងរយៈពេលប៉ុន្មានថ្ងៃចុងក្រោយនៃរដ្ឋបាលរបស់លោក មុនពេលការស្បថឡើងកាន់តំណែងរបស់លោក Donald Trump មកពីគណបក្សសាធារណៈនៅថ្ងៃចន្ទ ទី ២០ ខែមករា ខាងមុខនេះ ដែលលោកនឹងវិលត្រឡប់មកកាន់សេតវិមានវិញ ក្រោយផ្តួលគូប្រជែង និងជាអនុប្រធានាធិបតីបច្ចុប្បន្នសហរដ្ឋអាមេរិកលោកស្រី Kamala Harris នៅការបោះឆ្នោតជ្រើសរើសប្រធានាធិបតីសហរដ្ឋអាមេរិកកាលពីខែវិច្ឆិកាកន្លងទៅ ៕