តុលាការកុងហ្គោ បានកាត់ទោសពលរដ្ឋចិន ៣រូបឲ្យជាប់ពន្ធនាគារម្នាក់ៗរយៈពេល ៧ឆ្នាំ ក្រោយពួកគេត្រូវបានចាប់ខ្លួន ឃើញមានដុំមាស និងសាច់ប្រាស់ ៤០ម៉ឺនដុល្លារ ហើយនិងរកឃើញសកម្មភាពខុសច្បាប់ ពាក់ព័ន្ធនឹងវិស័យជីករ៉ែខុសច្បាប់ ។ 

មនុស្សទាំង ៣នាក់ គឺជាជនជាតិចិនលើកដំបូងគេ ត្រូវបានកាត់ទោស ចាប់តាំងពីសាធារណរដ្ឋប្រជាធិបតេយ្យកុងហ្គោ ដាក់ចេញនូវការជំរុញចុងក្រោយរបស់ខ្លួន ដើម្បីបោលសម្អាតការទាញយកប្រយោជន៍ដោយគ្មានអាជ្ញាបណ្ណពីរ៉ែយុទ្ធសាស្រ្ត និងរ៉ែមានតម្លៃនៅតំបន់ភាគខាងកើតប្រទេសដែលញាំញីដោយសារជម្លោះ ។

បន្ថែមពីលើការកាត់ទោសឲ្យជាប់ពន្ធនាគារនេះ ចៅក្រមបានបញ្ជាឲ្យពួកគេបង់ប្រាក់ពិន័យស្មើនឹង ៦០ម៉ឺនដុល្លារ ហើយនិងហាមឃាត់ពួកគេជាអចិន្រ្តៃយ៍ពីការស្នាក់នៅក្នុងប្រទេសកុងហ្គោ ពេលដែលពួកគេបញ្ចប់ការជាប់ពន្ធនាគាររបស់ពួកគេ ។ មេធាវីរបស់ពួកគេនិយាយថា ពួកគេនឹងប្តឹងឧទ្ធរណ៍ប្រឆាំងនឹងការសម្រេចរបស់តុលាការមួយនេះ ។

កាលពីសប្តាហ៍មុន ក្រុមបាតុករ នាំគ្នាដង្ហែរក្បួននៅក្នុងទីក្រុង Bukavu រដ្ឋធានីនៃខេត្ត South Kivu អំពាវនាវឲ្យរដ្ឋាភិបាលចាត់វិធានការតាមផ្លូវច្បាប់ ប្រឆាំងនឹងបុរសជនជាតិចិនទាំង ៣រូបនេះ ៕