ឯកអគ្គរដ្ឋទូតអ៊ីរ៉ង់ប្រចាំនៅប្រទេសរុស្ស៊ីលោក Kazem Jalali បាននិយាយនៅក្នុងបទសម្ភាសន៍ជាមួយ សារព័ត៌មានTASSថា ទោះបីជាមានការអះអាងពីលោកខាងលិចក៏ដោយ ស្ថានភាពនៅក្នុងប្រទេសស៊ីរីមិនបានប៉ះពាល់ដល់ទំនាក់ទំនងរវាងទីក្រុងតេអេរ៉ង់ និងទីក្រុងមូស្គូនោះទេ។ 

នៅពេលសួរថាតើការផ្លាស់ប្តូរនយោបាយនៅទីក្រុងដាម៉ាស មានផលប៉ះពាល់ដល់ទំនាក់ទំនងរបស់អ៊ីរ៉ង់ជាមួយរុស្ស៊ីដែរឬទេ ចំពេលមានរបាយការណ៍នៅក្នុងប្រព័ន្ធផ្សព្វផ្សាយលោកខាងលិចដែលបានលើកឡើងពីទំនាក់ទំនងទីក្រុងតេអេរ៉ង់-មូស្គូ មានការធ្លាក់ចុះនោះ អ្នកការទូតអ៊ីរ៉ង់រូបនេះ បាននិយាយថា៖   «ទោះបីជាមានការវិវឌ្ឍថ្មីៗ នៅក្នុងប្រទេសស៊ីរីក្តី ក៏កិច្ចសហប្រតិបត្តិការរវាងប្រទេសទាំងពីរ នឹងនៅតែមិនប៉ះពាល់ ដោយសារការឃោសនារបស់លោកខាងលិច និងអ្នកដែលមានបំណងអាក្រក់។ ដំណើរទស្សនកិច្ចរបស់ប្រធានាធិបតីអ៊ីរ៉ង់ ទៅកាន់ទីក្រុងមូស្គូ និងការចុះហត្ថលេខាលើសន្ធិសញ្ញាភាពជាដៃគូយុទ្ធសាស្ត្រ គឺជាការឆ្លុះបញ្ចាំងយ៉ាងច្បាស់ពីការប្តេជ្ញាចិត្តដ៏រឹងមាំនៃមេដឹកនាំទាំងពីរ»។ 

លោក Jalali បានសង្កត់ធ្ងន់ថា៖«កិច្ចសហប្រតិបត្តិការនយោបាយក្នុងតំបន់ រវាងអ៊ីរ៉ង់ និងរុស្ស៊ី គឺពិតជាមិនប៉ះពាល់ដោយសារស្ថានការណ៍ នៅក្នុងប្រទេសស៊ីរីទេ»។