កំពត៖ ថ្ងៃទី០៧ ខែវិច្ឆិកា ឆ្នាំ២០២១ លោក ណាសៀត អូស្មាន ប្រធានសមាគមន៍សម្ព័ន្ឋយុវជនមូស្លិមកម្ពុជា និងថ្នាក់ដឹកនាំគណៈចលនានៃគណបក្សប្រជាជនកម្ពុជា បាននាំយកសៀវភៅអានចំនួន ៤,០០០ ក្បាល ដែលបានចំណាយថវិកាជាង ២៥០០ ដុល្លារ ក្នុងការបោះពុម្ពប្រគល់ជូនដល់បណ្ណាល័យ MJC ដែលមានទីតាំងនៅខេត្តកំពត។
លោក ណាសៀត អូស្មាន បានឱ្យដឹងថា ការផ្ដល់ជូនសៀវភៅចំនួនលើកដំបូងហើយ ដែលមានទាំងសៀវភៅចាស់ និងសៀវភៅថ្មីក្រោម ពាក្យស្លោក «សៀវភៅចាស់ ក្រោមក្ដីស្រមៃថ្មី» ដែលជបានរៀបចំដោយសមាគមសម្ព័ន្ធយុវជនមូស្លិមកម្ពុជា ក្នុងគោលបំណងលើកកំពស់ការអាននៅកម្ពុជា។ ឯកឧត្ដម អឹងឆាយ តំណាងឯកឧត្ដមនៃអភិបាលនៃគណៈអភិបាលខេត្តកំពត បានចូលរួមក្នុងកម្មវិធី ក៏បានថ្លែងអំណរអរគុណដល់សមាគមសម្ព័ន្ធយុវជនមូស្លិមកម្ពុជា ដែលបានខិតខំប្រឹងប្រៃចងក្រងសៀវភៅល្អ សម្រាប់មនុស្សចាស់ និងកូនក្មេង ដើម្បីលើកកំពស់ការអាននៅកម្ពុជា។
ឯកឧត្ដម បានអំពាវនាវសូមឧ្យយុវជនកម្ពុជាបង្កើនសមត្តភាពអានដើម្បីទទួលបាន គំនិត និងចំណេះដឹងល្អសម្រាប់ចូលរួមអភិវត្តប្រទេសជាតិ។ ក្នុងថ្ងៃដដែល លោក ណាសៀត អូស្មាន ប្រធានសមាគមសម្ព័ន្ធយុវជនមុស្លិមកម្ពុជា (សយមក) ព្រមទាំងថ្នាក់ដឹកនាំ( សយមក) ថ្នាក់កណ្តាល យុវជន សយមក រាជធានីភ្នំពេញ និង យុវជន សយមក ខេត្តកំពត សរុបចំនួន ២៥០នាក់ ចុះដាំដើមកោងកាង ចំនួន ១,០០០ដើម នៅតំបន់សហគមន៍នេសាទទេសចរណ៍ត្រពាំងសង្កែ ស្រុកទឹកឈូ ខេត្តកំពត។
លោក ណាសៀត អូស្មាន បានឱ្យដឹងថា នេះជាលើកទី២ហើយដែលសមាគមសម្ព័នយុវជនមុស្លិមកម្ពុជា បានរៀបចំកម្មវិធីនេះឡើងក្នុងគោលបំណង ចូលរួមចំនែកស្ដារឡើងវិញនូវគម្របព្រៃកោងកាង នៅសហគមន៍ទេសចរណ៍ថែរក្សាជម្រកត្រីជីវចម្រុះ និងបរិស្ថានជាពិសេសដើម្បីបម្រើប្រយោជន៍ប្រជាពលរដ្ឋទេសចរ និងសង្គមជាតិ៕ អត្ថប៖ ម៉ក់ រ៉េនីតា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
