អង្គការឃ្លាំមើលសិទ្ធិមនុស្ស បាននិយាយនៅក្នុងរបាយការណ៍មួយដែលបានចេញផ្សាយកាលពីថ្ងៃអង្គារថា រដ្ឋាភិបាលរបស់ប្រទេសប៊ួគីណាហ្វាសូ បានធ្វើឲ្យជនស៊ីវិលប្រឈមនឹងគ្រោះថ្នាក់ដែលមិនចំាបាច់ ក្នុងអំឡុងពេលការវាយប្រហារដោយសកម្មប្រយុទ្ធ កាលពីដើមឆ្នាំនេះ។ 

នៅក្នុងខែសីហា អ្នកភូមិយ៉ាងហោចណាស់ ១០០នាក់ ត្រូវបានសម្លាប់ដោយក្រុមយុទ្ធជនមកពីក្រុមសកម្មប្រយុទ្ធដែលមានទំនាក់ទំនងជាមួយក្រុមអាល់កៃដា នៅភាគកណ្តាលប្រទេសប៊ួគីណាហ្វាសូ នៅក្នុងការវាយប្រហារដ៏សាហាវបំផុតមួយ ក្នុងប្រទេសអាហ្វ្រិកខាងលិចដែលមានជម្លោះ នាឆ្នាំនេះ។

អ្នកភូមិនៅក្នុងឃុំ Barsalogho ដែលមានចម្ងាយ ៨០ គីឡូម៉ែត្រពីរដ្ឋធានីអៅហ្គាឌូហ្គូ (Ouagadougou) ត្រូវបានបង្ខំឲ្យកងកម្លាំងសន្តិសុខជីកលេណដ្ឋាន ដើម្បីការពារសន្តិសុខ និងភូមិនានា នៅពេលដែលក្រុមយុទ្ធជនជាមួយក្រុម Jama'at Nusrat Al-Islam wal-Muslimin (JNIM)បានលុកលុយតំបន់នោះ ហើយបានបើកការបាញ់ប្រហារ។ នេះបើតាមរបាយការណ៍។

ក្រុម JNIM ដែលបានអះអាងទទួលខុសត្រូវចំពោះការវាយប្រហារនោះ បាននិយាយថា អ្នកភូមិទាំងអស់ដែលត្រូវបានគេកំណត់គោលដៅគឺ ជាសមាជិកនៃកងជីវពលដែលមានទំនាក់ទំនងជាមួយប្រទេស      ប៊ួគីណាហ្វាសូ ក្នុងការឆ្លើយតបរបស់ខ្លួនចំពោះរបាយការណ៍នេះ។