នាយករដ្ឋមន្ត្រីឃើដអ៊ីរ៉ាក់ បាននិយាយនៅថ្ងៃចន្ទនេះថា ប្រជាជនឃើដ ដូចជាជនជាតិប៉ាឡេស្ទីន មានសិទ្ធិស្របច្បាប់ ក្នុងការសម្រេចចិត្តដោយខ្លួនឯង ។

ថ្លែងទៅកាន់កិច្ចប្រជុំកំពូលរដ្ឋាភិបាលពិភពលោក នៅទីក្រុងឌូបៃ លោក Masrour Barzani បាននិយាយថា ឫសគល់នៃភាពអយុត្តិធម៌ដែលជនជាតិប៉ាឡេស្ទីនបានជួបប្រទះ ចាប់តាំងពីការបង្កើតអ៊ីស្រាអែល នៅឆ្នាំ ១៩៤៨ «នៅតែមិនអាចដោះស្រាយបាន»។

លោកបានបន្ថែមថា៖«ប្រសិនបើសិទ្ធិជាមូលដ្ឋានរបស់ប៉ាឡេស្ទីន ត្រូវបានដោះស្រាយកាលពី ៨០ ឆ្នាំមុន ឬក្នុងរយៈពេលជាច្រើនទស្សវត្សរ៍មកហើយនោះ វានឹងមានឱកាសតិចក្នុងការរងសោកនាដកម្ម ដែលយើងកំពុងឃើញ នៅពេលនេះ»។

លោក Barzani បាននិយាយថា ជនជាតិឃើដ មានសិទ្ធិស្រដៀងគ្នា ក្នុងការសម្រេចចិត្តដោយខ្លួនឯង ដែលលោកហៅថា ជា «កម្លាំងជំរុញរបស់មនុស្សជាតិ ហើយសិទ្ធិទាំងនេះ «ត្រូវបានទទួលស្គាល់ដោយមិត្ត  ភ័ក្តិ និងសម្ព័ន្ធមិត្តរបស់យើង ដែលក្នុងពេលជាមួយគ្នានេះ ប្រាប់យើងថា កត្តានយោបាយរារាំងជំនួយរបស់ពួកគេ ក្នុងការផ្តល់យុត្តិធម៌ប្រវត្តិសាស្ត្រ»។

លោកបានបន្ថែមថា បញ្ហាដែលមានរយៈពេលរាប់ទសវត្សរ៍ ដែលត្រូវបានបង្កឲ្យ«កើនឡើងកាន់តែខ្លាំង»នៅមជ្ឈិមបូព៌ា បានជំរុញឲ្យមានអស្ថិរភាព និងភាពចលាចលដែលតំបន់នេះ កំពុងជួបប្រទះ។