លោក Donald Trump បានប្ដេជ្ញាបង្កើត "យុគមាស" ថ្មីរបស់សហរដ្ឋអាមេរិក ខណៈលោកបានស្បថចូលកាន់តំណែងសម្រាប់អាណត្តិប្រធានាធិបតីទីពីរជាប្រវត្តិសាស្ត្រកាលពីថ្ងៃចន្ទ ២០មករា សប្ដាហ៍នេះ ប៉ុន្តែបានផ្តោតលើសុន្ទរកថាឡើងកាន់អំណាចដ៏អាប់អួររបស់លោក ដែលភាគច្រើននៃសុន្ទរកថារបស់លោកបានលើកសរសើរពីគោលនយោបាយប្រកាន់តឹងរ៉ឹងក្នុងការកែប្រែនូវអ្វីដែលលោកហៅថា "ការធ្លាក់ចុះរបស់អាមេរិក"។

នៅក្នុងសុន្ទរកថាដែលតែងតែមានការខ្វែងគំនិតគ្នាជាញឹកញាប់ លោកប្រធានាធិបតីទី ៤៧ បានផ្តោតលើការធ្វើអន្តោប្រវេសន៍ខុសច្បាប់ និងសង្រ្គាមវប្បធម៌ ខណៈលោកបានបង្ហាញពីការត្រលប់មកវិញដ៏គួរឱ្យកត់សម្គាល់បំផុតនៅក្នុងប្រវត្តិសាស្រ្តនយោបាយរបស់សហរដ្ឋអាមេរិក។

លោក Trump បាននិយាយនៅក្នុងវិមានកាពីតូល(Capitol) របស់សហរដ្ឋអាមេរិកថា យុគសម័យមាសរបស់អាមេរិកចាប់ផ្តើមនៅពេលនេះ។ ចាប់ពីថ្ងៃនេះតទៅ ប្រទេសរបស់យើងនឹងរីកចម្រើន និងត្រូវបានទទួលការគោរពម្តងទៀតនៅទូទាំងពិភពលោក ជាទីដែលពិធីស្បថចូលកាន់តំណែងរបស់លោកធ្វើឡើងជាលើកដំបូងក្នុងពេលជាច្រើនទសវត្សរ៍ដោយសារមូលហេតុអាកាសធាតុត្រជាក់ខ្លាំង។

គណបក្សសាធារណរដ្ឋក៏បានសំដៅទៅលើគ្រាប់កាំភ្លើងរបស់ឃាតកដែលបានបាញ់លោកនៅឯការប្រមូលផ្តុំមួយក្នុងអំឡុងពេលយុទ្ធនាការបោះឆ្នោតដែលបានទទួលជ័យជម្នះរបស់លោកផងដែរដោយនិយាយថា ខ្ញុំត្រូវបានសង្គ្រោះដោយព្រះដើម្បីធ្វើឱ្យអាមេរិកអស្ចារ្យម្តងទៀត ។

ស្របពេលការសន្យាបន្តជាថ្មី លោក Trump បានរិះគន់យ៉ាងខ្លាំងនូវអ្វីដែលលោកបាននិយាយថាជា "ការក្បត់" របស់ជនជាតិអាមេរិកដោយ "ការបង្កើតភាពជ្រុលនិយម និងពុករលួយ" ក្រោមការដឹកនាំ របស់លោកប្រធានាធិបតី Joe Biden ដែលផុតអាណត្តិកាលពីថ្ងៃទី២០មករា២០២៥នេះ៕