ប្រធានអាជ្ញាធរប៉ាឡេស្ទីនលោក ម៉ាខ្មូដ អាបាស ( Mahmud Abbas) បានអបអរសាទរប្រធានាធិបតីអាមេរិកលោក ដូណាល់ ត្រាំ (Donald Trump) ក្នុងពិធីស្បថចូលកាន់តំណែងរបស់លោក កាលពីថ្ងៃចន្ទ ហើយបាននិយាយថា លោកបានត្រៀមខ្លួនរួចជាស្រេច ក្នុងការធ្វើការដើម្បីសន្តិភាព ជាមួយអ៊ីស្រាអែល ដោយផ្អែកលើដំណោះស្រាយរដ្ឋពីរ។

លោក អាបាស បាននិយាយនៅក្នុងសេចក្តីថ្លែងការណ៍មួយចេញផ្សាយដោយទីភ្នាក់ងារសារព័ត៌មាន Wafa ផ្លូវការថា៖«យើងត្រៀមខ្លួនជាស្រេច ដើម្បីធ្វើការជាមួយលោក ដើម្បីសម្រេចបានសន្តិភាព ក្នុងអំឡុងពេលអាណត្តិរបស់លោក ដោយផ្អែកលើដំណោះស្រាយរដ្ឋពីរ»។

លោក អាបាស បានលើកឡើងថា នោះនឹងមានន័យថា «រដ្ឋប៉ាឡេស្ទីន និងរដ្ឋអ៊ីស្រាអែល ដែលរស់នៅជួយគ្នាទៅវិញទៅមក ក្នុងសន្តិសុខ និងសន្តិភាព ដោយធានាបាននូវសន្តិសុខ និងស្ថិរភាព នៅក្នុងតំបន់ និងពិភពលោករបស់យើង»។

នៅក្នុងអាណត្តិប្រធានាធិបតីដំបូងរបស់លោក ពីឆ្នាំ ២០១៧ ដល់ឆ្នាំ ២០២១ រដ្ឋបាលរបស់លោក ត្រាំ បានដាក់បញ្ចូលគ្នានូវសំណើសន្តិភាព ដែលនឹងពាក់ព័ន្ធនឹងអ៊ីស្រាអែល ក្នុងការបញ្ចូលភាគច្រើនតំបន់   វេសបែងជាឧបសម្ព័ន្ធរបស់ខ្លួន ខណៈដែលនឹងមានការប្រគល់ទឹកដីមួយចំនួន ទៅឲ្យរដ្ឋប៉ាឡេស្ទីននាពេលអនាគត ជាថ្នូរវិញ។