លោក Aydin Sezer អ្នកវិទ្យាសាស្ត្រនយោបាយ និងសេដ្ឋវិទូ អតីតតំណាងពាណិជ្ជកម្មទួរគីប្រចាំនៅ  រុស្ស៊ី បាននិយាយនៅក្នុងកិច្ចសន្ទនា ជាមួយសារព័ត៌មានTASS ថា ទំនាក់ទំនងរវាងទួរគី និងអាមេរិកនៅក្រោមការដឹកនាំរបស់ប្រធានាធិបតីជាប់ឆ្នោត លោក ដូណាល់ ត្រាំ ( Donald Trump) ទំនងជាមិនប្រសើរឡើងទេ ហើយរឿងរ៉ាវពាក់ព័ន្ធនឹងជនជាតិឃើដ នឹងនៅតែជាបញ្ហា។

អ្នកជំនាញបានកត់សម្គាល់ថា ពួកគេមានមតិមួយ នៅក្នុងប្រទេសទួរគី ជាពិសេសនៅក្នុងប្រព័ន្ធផ្សព្វផ្សាយដែលគាំទ្ររដ្ឋាភិបាលថា ទំនាក់ទំនងទួរគី-អាមេរិក នឹងប្រសើរឡើងគួរឲ្យកត់សម្គាល់ និងរីកចម្រើនយ៉ាងឆាប់រហ័ស នៅពេលដែលលោក ត្រាំ ចូលកាន់តំណែង។ ខ្ញុំមិនគិតថា វានឹងជាករណីនោះទេ។ ប្រសិនបើអ្នកចងចាំ ការសម្រេចចិត្តលើការដាក់ទណ្ឌកម្ម ដោយសារតែទួរគីទិញប្រព័ន្ធ S-400 ពីរុស្ស៊ី ហើយការដកខ្លួនរបស់ទួរគីពីគម្រោងយន្តចម្បាំង F-35 គឺស្ថិតនៅក្នុងរបៀបវារៈក្នុងអំឡុងអាណត្តិមុនរបស់លោក ត្រាំ បើប្រៀបធៀបទៅនឹងកិច្ចសន្ទនាដែល លោក តាយីប អឺដូហ្កាន់ (Tayyip Erdogan) បានធ្វើឡើងជាមួយ លោក ចូ បៃដិន (Joe Biden) វានឹងកាន់តែងាយស្រួលសម្រាប់លោក ក្នុងការទំនាក់ទំនងជាមួយលោក ត្រាំ។

យោងតាមលោក Sezerបានឲ្យដឹងថា បញ្ហាស៊ីរី និងជនជាតិឃើដស៊ីរី នឹងនៅតែជារឿងធ្ងន់ធ្ងរ។ លោកបានរំលឹកថា នៅឆ្នាំ ២០១៩ នៅពេលដែលទួរគី ចាប់ផ្តើមប្រតិបត្តិការយោធាប្រឆាំងនឹងកងកម្លាំងឃើដ នៅក្នុងប្រទេសស៊ីរី លោក ត្រាំ បានសរសេរលិខិតមួយច្បាប់ ផ្ញើជូនលោក អឺដូហ្កាន់«ជាមួយនឹងការប្រមាថ និងការទាមទារឲ្យបញ្ឈប់សង្រ្គាមប្រឆាំងនឹងជនជាតិឃើដ»។