ប្រធានាធិបតីទួរគីលោក រ៉េសិប តាយីប អឺដូហ្កាន់ ( Recep Tayyip Erdogan) បានថ្លែងនៅក្នុងសន្និសីទសារព័ត៌មានមួយ បន្ទាប់ពីកិច្ចពិភាក្សាជាមួយនាយករដ្ឋមន្រ្តីស្លូវ៉ាគីលោក Robert Fico ថា លោកនឹងពិភាក្សាអំពីលទ្ធភាពនៃការផ្គត់ផ្គង់ឧស្ម័នធម្មជាតិ ដល់ប្រទេសស្លូវ៉ាគី ជាមួយប្រធានាធិបតីរុស្ស៊ីលោក វ្ល៉ាឌីមៀ ពូទីន (Vladimir Putin)។

លោក អឺដូហ្កាន់ បានថ្លែងថា៖«ទាក់ទងនឹងបញ្ហានៃឧស្ម័នធម្មជាតិ ប្រទេសស្លូវ៉ាគីត្រូវបានផ្តាច់ចេញពីឧស្ម័ន ជាមួយនឹងការបញ្ចប់នៃការដឹកជញ្ជូនតាមរយៈអ៊ុយក្រែន។ យើងបានពិភាក្សាបញ្ហានេះ យើងមានបំពង់បង្ហូរឧស្ម័ន TurkStream ។ ចូរយើងបង្កើតជំហានមួយ ហើយពិភាក្សាប្រធានបទនេះ នៅកម្រិតនៃរដ្ឋមន្ត្រីថាមពល។ លោក អឺដូហ្កាន់ បានបន្ថែមថា ចំពោះឧស្ម័នធម្មជាតិ ប្រទេសស្លូវ៉ាគី គួរតែពេញចិត្ត ខ្ញុំបានស្នើឲ្យដោះស្រាយបញ្ហានេះ តាមរយៈកិច្ចពិភាក្សាជាមួយរដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ (Sergey Lavrov) និងលោក ពូទីន ។

មេដឹកនាំទួរគីរូបនេះ បានបន្ថែមថា៖«ខ្ញុំសង្ឃឹមថា យើងនឹងអាចមានការទំនាក់ទំនង ដើម្បីចាប់ផ្តើម     ការទូតតាមទូរស័ព្ទ នៅដើមសប្តាហ៍នេះ»។