កំពង់ឆ្នាំង : នៅទី២១ ខែមករា ឆ្នាំ២០២៥ លោកឧត្តមសេនីយ៍ត្រី អ៊ុំ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង បានទទួលកាណូតបាឡាស្មាច់ចំនួន ០៦គ្រឿង រួមនឹងសម្ភារបំពាក់ចំនួន ០៦ឈុត ដែលជាអំណោយដ៍ថ្លៃថ្លារបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី តាមរយៈ ឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក សម្រាប់ប្រើប្រាស់ក្នុងការចុះជួយប្រជាពលរដ្ឋរងគ្រោះដោយគ្រោះមហន្តរាយធម្មជាតិ គ្រោះទឹកជំនន់ និង ចូលរួមសហការបង្ក្រាបបទល្មើសផ្សេងៗ នៅក្នុងភូមិសាស្ត្រខេត្តកំពង់ឆ្នាំង ។

 សរុបទាំងលើកទី១ និង លើកទី២នេះ សម្តេចមហាបវរធិបតី និង លោកជំទាវបណ្ឌិត បានឧបត្ថម្ភកាណូតបាឡាស្មាច់ រួមនឹងសម្ភារបំពាក់ ដល់អង្គភាព តំបន់ប្រតិបត្តិការសឹករងកំពង់ឆ្នាំង សរុប ចំនួន១៦គ្រឿង ៕ កាំង ហុងវាស្នា