ស្វាយរៀង ៖ តំណាងនិវត្តជនជាកងកម្លាំង ខេត្តស្វាយរៀង លោកឡឹក សំអុន នៅថ្ងៃទី២២ ខែមករា ឆ្នាំ២០២៥នេះ បានមានចំណាប់អារម្មណ៍ ដោយសំដែងនូវការសប្បាយរីករាយ ចំពោះប្រសាសន៍ដ៏ថ្លៃថ្លា របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលសម្តេចបានថ្លែងក្នុងឱកាសសម្ដេចអញ្ជើញសម្ពោធសមិទ្ធផលនានានៅក្នុងខេត្តកំពង់ឆ្នាំង ស្ដីពីការដំឡើងប្រាក់សោធន៏ជូនដល់ អតីតកងកម្លាំងប្រដាប់អាវុធដែលបានចូលនិវត្តន៍កន្លងមក។

លោកបានបញ្ជាក់បន្ថែមថាការដែលសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បន្តគិតគូរដល់ និវត្តជន និងជនបាត់បង់សមត្ថភាពការងារ ដែលរបួស ពិការរាងកាយ និងសុខភាព របស់រាជរដ្ឋាភិបាលគឺជាការចំណែកយ៉ាងធំធេងក្នុងការកែលំអរជីវភាព បន្ថែមលើរបបដែលរាជរដ្ឋាភិបាលឧបត្ថម ដីកសិកម្ម និងផ្ទះសំបែង។ សំឡេង......

 តាមរបាយការណ៍របស់មន្ទីរសង្គមកិច្ចអតីតយុទ្ធជន ដែល btv ទទួលបានតាមសារតេឡេក្រាម គិតមកដល់ឆ្នាំ២០២៤ និវត្តន៍ជននិងជនបាត់បង់សមត្ថភាពពលកម្ម ដែលជាកងកម្លាំងប្រដាប់អាវុធ ក្រៅពីទទួលបានប្រាក់សោធនប្រចាំខែ និងប្រាក់ឧបត្ថម្ភបន្ទាប់បន្សំអតីតយុទ្ធជនរបួស ពិការ គ្រួសារអតីតយុទ្ធជនរបួសពិការ និងពលីបានទទួលដីកសិកម្ម និងផ្ទះចំនួន៥១៧ខ្នងហើយ សម្រាប់រស់នៅក្នុងសហគមន៏។