គេហទំព័រសារព័ត៌មាន Janoubia បានរាយការណ៍ថា មេដឹកនាំម្នាក់ក្នុងចំណោមមេដឹកនាំនៃអង្គការហេសបូឡាស៊ីអ៊ីតគឺ លោក Sheikh Muhammad Hamadeh ត្រូវបានសម្លាប់ នៅក្នុងការវាយប្រហារដោយប្រដាប់អាវុធ នៅក្នុងតំបន់ Beqaa ភាគខាងលិចនៃប្រទេសលីបង់ភាគកណ្តាល។

យោងតាមគេហទំព័រព័ត៌មាននេះ រថយន្តដែលដឹកអ្នកនយោបាយស៊ីអ៊ីត ត្រូវបានពួនស្ទាក់វាយប្រហារ នៅជិតភូមិ Machghara។

ក្រុមសកម្មប្រយុទ្ធ បានបាញ់លោក Sheikh ចំនួន៦គ្រាប់។ លោកត្រូវបានគេបញ្ជូនទៅកាន់មន្ទីរពេទ្យ ក្នុងតំបន់ ជាកន្លែងដែលលោក បានស្លាប់ដោយសាររបួស។

រហូតមកដល់ពេលនេះ ពុំទាន់មានក្រុមប្រដាប់អាវុធណាមួយ ចេញមុខទទួលខុសត្រូវលើការធ្វើឃាតនេះទេ។ នេះជាលើកដំបូងដែលសមាជិកនៃការដឹកនាំរបស់ក្រុមហេសបូឡា ត្រូវបានគេធ្វើឃាត ចាប់តាំងពីបទឈប់បាញ់នៅភាគខាងត្បូងលីបង់ បានចូលជាធរមាន នៅថ្ងៃទី ២៧ ខែវិច្ឆិកា ឆ្នាំ ២០២៤។