អគ្គលេខាធិការអង្គការសហប្រជាជាតិ(UN)លោក Antonio Guterres បានធ្វើការសង្កត់ធ្ងន់ពីការអនុវត្តសេចក្តីសម្រេចរបស់ UN លេខ ១៧០១ អំឡុងដំណើរទស្សនកិច្ចរបស់លោកទៅកាន់ទីស្នាក់ការកណ្តាលរបស់កងកម្លាំងថែរក្សាសន្តិភាព UNIFIL ស្ថិតក្នុងទីក្រុង Naqoura នៅភាគខាងត្បូងប្រទេសលីបង់ ។

សេចក្តីសម្រេចនេះ អំពាវនាវឲ្យមានការរំសាយអាវុធរបស់ក្រុមប្រដាប់អាវុធទាំងអស់នៅក្នុងប្រទេសលីបង់ និងណែនាំថា គ្មានអាវុធ ឬគ្រឿងយុទ្ធោបករណ៍ពាក់ព័ន្ធ អាចលក់ ឬផ្គត់ផ្គង់ដល់ប្រទេសលីបង់បានឡើយ លុះត្រាតែមានការអនុញ្ញាតពីរដ្ឋាភិបាល ។

ការផ្តល់ជូននេះ មានគោលដៅការពារឯករាជ្យជាតិលីបង់ និងការពារឥទ្ធិពលខាងក្រៅលើកិច្ចការផ្ទៃក្នុងរបស់ពួកគេ ។

លោក Guterres ដែលស្ថិតក្នុងដំណើរទស្សនកិច្ចសាមគ្គីភាពទៅកាន់ប្រទេសលីបង់ បានថ្លែងអំណរគុណផងដែរដល់ក្រុមថែរក្សាសន្តិភាព សម្រាប់សេចក្តីក្លាហានរបស់ពួកគេ និងការតស៊ូរបស់ពួកគេ អំឡុងជម្លោះលើកមុនរវាងអ៊ីស្រាអែល និងក្រុមហេសបូឡា ហើយលោកបានអំពាវនាវឲ្យភាគីទាំងអស់ ធានាឲ្យបានសុវត្ថិភាព និងសន្តិសុខរបស់ពួកគេ ៕