លោក Ali Yerlikaya បាននិយាយកាលពីថ្ងៃសុក្រថា នគរបាលទួរគី បានចាប់ខ្លួនជនសង្ស័យចំនួន ៧១នាក់ ជុំវិញការចោទប្រកាន់ថា ពួកគេមានទំនាក់ទំនងជាមួយចលនា Gulen។ 

លោក Yerlikaya បានលើកឡើងថា ជនសង្ស័យទាំងនេះ ត្រូវបានចាប់ខ្លួន ក្នុងអំឡុងពេលប្រតិបត្តិការថ្មីៗនេះ នៅទូទាំងខេត្តចំនួន ២៣ រួមទាំងទីក្រុងអ៊ីស្តង់ប៊ុល ទីក្រុង Izmir ភាគខាងលិច ខេត្ត Balikesir និងខេត្ត Adana និង Hatay ភាគខាងត្បូង ដោយពុំបានបញ្ជាក់អំពីកាលបរិច្ឆេទនៃកិច្ចប្រតិបត្តិការទេ។ 

លោកបានបន្តថា ការឆ្មក់ដែលធ្វើឡើងដោយស្នងការនគរបាលខេត្ត និងមន្ត្រីស៊ើបការណ៍ ក៏បានរឹបអូសបានឯកសារអង្គភាព និងសម្ភារៈឌីជីថលជាច្រើនផងដែរ។

ជនសង្ស័យត្រូវបានចាប់ខ្លួនជុំវិញការការបម្រើឲ្យបណ្តាញ Gulen ដែលនៅតែមានសកម្មភាព នៅក្នុងប្រទេសទួរគី។ លោកបានបន្ថែមថា ពួកគេបានប្រាស្រ័យទាក់ទងគ្នាដោយប្រើទូរស័ព្ទដាក់កាក់ និងប្រើប្រាស់ ByLock ដែលជាកម្មវិធីផ្ញើសារដែលសរសរជាភាសាសម្ងាត់ ត្រូវបានបង្កើតឡើង និងប្រើប្រាស់ដោយអង្គការនេះ។

ជនសង្ស័យ ក៏រាប់បញ្ចូលទាំងអ្នករត់គេចខ្លួន ដែលត្រូវបានកាត់ទោស និងអ្នកដែលត្រូវបានគេដាក់ឈ្មោះនៅក្នុងសក្ខីកម្ម ដែលជាផ្នែកមួយនៃការស៊ើបអង្កេតប្រឆាំងនឹងបណ្តាញ Gulen។ នេះបើយោងតាមរដ្ឋមន្ត្រីទួរគីរូបនេះ។