រដ្ឋាភិបាលតាលីបង់អាហ្វហ្គានីស្ថាន បាននិយាយកាលពីថ្ងៃសុក្រថា ដីកាចាប់ខ្លួនដែលតុលាការឧក្រិដ្ឋកម្មអន្តរជាតិ (ICC) ស្វែងរកសម្រាប់មេដឹកនាំរបស់ខ្លួន គឺជារឿងនយោបាយ។

ការបដិសេធនេះ កើតឡើង មួយថ្ងៃបន្ទាប់ពីអគ្គរដ្ឋអាជ្ញា ICC បាននិយាយថា លោកកំពុងស្វែងរកដីកាប្រឆាំងនឹងមេដឹកនាំជាន់ខ្ពស់តាលីបង់ នៅក្នុងប្រទេសអាហ្វហ្គានីស្ថាន ជុំវិញការធ្វើទុក្ខបុកម្នេញលើស្ត្រី ដែលជាឧក្រិដ្ឋកម្មប្រឆាំងមនុស្សជាតិ។

សេចក្តីថ្លែងការណ៍របស់ក្រសួងការបរទេស ដែលបានបង្ហោះនៅលើវេទិកាប្រព័ន្ធផ្សព្វផ្សាយសង្គម X បានឲ្យដឹថា៖«ដូចគ្នានឹងការសម្រេចចិត្តផ្សេងទៀតជាច្រើនរបស់តុលាការ ICC ដែរ ការស្វះស្វែងរកដីកាចាប់ខ្លួននេះ គឹគ្មានមូលដ្ឋានច្បាប់ត្រឹមត្រូវ គឺជាបញ្ហានៃស្តង់ដាពីរ ហើយក៏ជាហេតុផលនយោបាយយ៉ាងច្បាស់។

«នេះគឺជារឿងគួរឲ្យសោកស្តាយដែលស្ថាប័ននេះ មិនអើពើទៅលើឧក្រិដ្ឋកម្មសង្រ្គាម និងឧក្រិដ្ឋកម្មប្រឆាំងមនុស្សជាតិ ដែលប្រព្រឹត្តដោយកងកម្លាំងបរទេស និងសម្ព័ន្ធមិត្តក្នុងស្រុករបស់ពួកគេ ក្នុងអំឡុងពេលគ្រប់គ្រងលើប្រទេសអាហ្វហ្គានីស្ថាន រយៈពេល ២០ឆ្នាំនោះ»។