ប្រធានាធិបតីសហរដ្ឋអាមេរិក លោក ដូណាល់ ត្រាំ បាននិយាយថា ប្រទេសហ្ស៊កដានី និងអេហ្ស៊ីប គួរតែទទួលយកពលរដ្ឋប៉ាឡេស្ទីនបន្ថែមទៀត ពីតំបន់ហ្កាហ្សារងកាបំផ្លាញដោយសង្រ្គាម ជាការលើកឡើងដែលត្រូវបានច្រានចោលដោយក្រុមហាម៉ាស ជាក្រុមសកម្មប្រយុទ្ធប៉ាឡេស្ទីនគ្រប់គ្រងនៅតំបន់ហ៊ុមព័ទ្ធមួយនេះ ហើយក៏ទំនងជាបានត្រូវបានបដិសេធដោយរដ្ឋមន្ត្រីការបរទេសហ្ស៊កដានី។

នៅពេលត្រូវបានសួរថាតើនេះជាដំណោះស្រាយបណ្ដោះអាសន្ន ឬរយៈពេលវែងសម្រាប់តំបន់ហ្កាហ្សា ជាកន្លែងដែលការវាយប្រហារដោយយោធារបស់អ៊ីស្រាអែល បានបង្កឱ្យមានស្ថានភាពមនុស្សធម៌ធ្ងន់ធ្ងរ និងបានសម្លាប់មនុស្សរាប់ម៉ឺននាក់ លោកTrump បាននិយាយថា «អាចស្ថិតក្នុងចំណោមដំណោះស្រាយទាំងពីរនេះ»។

រដ្ឋមន្ត្រីក្រសួងហិរញ្ញវត្ថុអ៊ីស្រាអែល លោក Bezalel Smotrich ដែលបានអំពាវនាវម្តងហើយម្តងទៀតឱ្យមានការវិលត្រឡប់នៃអ្នកតាំងលំនៅជនជាតិជ្វីហ្វទៅកាន់តំបន់ហ្កាហ្សា បានស្វាគមន៍ការអំពាវនាវរបស់លោក Trump ថាជា «គំនិតដ៏ល្អ» និងបាននិយាយថាលោកនឹងធ្វើការដើម្បីបង្កើតផែនការអនុវត្ត។

ប៉ុន្តែមន្ត្រីក្រុមហាម៉ាសម្នាក់ បានប្រតិកម្ម ដោយលើកឡើងពីការភ័យខ្លាចរបស់ពលរដ្ឋប៉ាឡេស្ទីនអំពីការដែលត្រូវបានបណ្តេញចេញពីលំនៅឋានរបស់ពួកគេ។

ពលរដ្ឋប៉ាឡេស្ទីន «នឹងមិនទទួលយកការផ្តល់ឲ្យ ឬដំណោះស្រាយណាមួយឡើយ ទោះបីជាការផ្តល់ឲ្យបែបនេះ ទំនងជាមានចេតនាល្អក៏ដោយ ក្រោមការបង្ហាញពីការកសាងឡើងវិញ ខណៈត្រូវបានប្រកាសនៅក្នុងសំណើរបស់ប្រធានាធិបតីសហរដ្ឋអាមេរិក លោក ដូ ណាល់ត្រាំ។