អាហ្វហ្គានីស្ថាន៖ សាលារៀននានាសម្រាប់ក្មេងស្រីចាប់ពីថ្នាក់ទី៧ ដល់ទី១២ បានបើកឡើងវិញនៅក្នុងទីក្រុង Herat ដែលជាទីក្រុងធំបំផុតទី៣ របស់ប្រទេសអាហ្វហ្គានីស្ថាន ជាអ្វីដែលទំនងជាការផ្លាស់ប្ដូរក្នុងប្រទេសក្នុងការហាមឃាត់របស់ក្រុមតាលីបង់ សម្រាប់ឱកាសចូលរៀនសម្រាប់ក្មេងស្រីនៅវ័យនោះ។
ចាប់តាំងពីការរឹបអូសអំណាចជិត ៣ខែកន្លងមកនេះក្រុមតាលីបង់បានស្ថិតក្រោមសម្ពាធអន្តរជាតិ ដើម្បីអនុញ្ញាតឲ្យក្មេងស្រីអាចទៅសាលារៀនបាន។ ពុំមានការបញ្ជាក់ភ្លាមៗទេពីក្រុមមន្ត្រីតាលីបង់ដែលថា ក្មេងស្រីត្រូវបានអនុញ្ញាតឲ្យត្រឡប់ទៅសាលារៀននៅក្នុងទីក្រុង Herat ជាទីក្រុងស្ថិតនៅភាគខាងលិចប្រទេសនេះ។ យ៉ាងហោចណាស់មានសាលារៀនចំនួន២៦ សម្រាប់សិស្សស្រីចាប់ពីថ្នាក់ទី៧ បានបើកឡើងវិញនៅក្នុងទីក្រុង Herat។ Amena Haidari ជាសសិស្សថ្នាក់ទី១២ បាននិយាយថា រូបគេចង់ឲ្យសាលារៀនទាំងអស់នៅទូទាំងប្រទេសអាហ្វហ្គានីស្ថានចាប់ផ្ដើមក្នុងពេលឆាប់ៗ ហើយក្មេងស្រី និងស្ត្រីមានសិទ្ធិរៀនសូត្រ និងកសាងសង្គមជាតិ។
នៅពេលដំបូងដែលពួកគេកាន់អំណាចពីឆ្នាំ១៩៩៦ ដល់ឆ្នាំ២០០១ ក្រុមតាលីបង់ប្រកាន់តឹងបានរារាំងស្ត្រី និងក្មេងស្រីមិនឲ្យទៅចូលសាលារៀន និងធ្វើការនៅក្នុងសង្គមឡើយ។ នាយកវិទ្យាល័យសម្រាប់សិស្សស្រី Ostad Fekri Saljuqi គឺលោកស្រី Toba Noorzayee បាននិយាយថា នៅពេលសាលារៀនត្រូវបិទ សិស្សបានបង្ហាការខកចិត្ត និងអស់សង្ឃឹម។ កំណើនវត្តមានសាលាសម្រាប់សិស្សស្រី និងស្ត្រីក្នុងការងារសង្គមត្រូវបានចាត់ទុកជាសមិទ្ធផលដ៏សំខាន់មួយ ក្នុងចំណោមសមិទ្ធផលជាច្រើនកាលពី ២០ឆ្នាំមុនក្រោមការដឹកនាំរបស់រដ្ឋាភិបាលគាំទ្រដោយលោកខាងលិច៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
