ក្រុមឃ្លាំមើលសង្គ្រាម បាននិយាយកាលពីថ្ងៃអាទិត្យថា ក្រុមយុទ្ធជនដែលមានទំនាក់ទំនងជាមួយមេដឹកនាំឥស្លាមនិយមថ្មីរបស់ប្រទេសស៊ីរី បានអនុវត្តការប្រហារជីវិតភ្លាមៗចំនួន ៣៥ ក្នុងរយៈពេល ៧២ម៉ោង ដែលភាគច្រើនជាមន្ត្រីសម័យលោក អាសាដ (Assad)។ 

អាជ្ញាធរដែលត្រូវបានតែងតាំងដោយកងកម្លាំងឧទ្ទាមដែលបានផ្តួលរំលំប្រធានាធិបតីកាន់តំណែងយូរ លោក បាសា អាល់អាសាដ ( Bashar al-Assad) កាលពីខែមុន បាននិយាយថា ពួកគេបានចាប់     ខ្លួនមនុស្សជាច្រើន នៅក្នុងតំបន់ Homs ភាគខាងលិច ជុំវិញ«ការរំលោភបំពាន» ដែលគ្មានការបញ្ជាក់ច្បាស់។

ទីភ្នាក់ងារព័ត៌មានផ្លូវការ SANA បាននិយាយថា កាលពីថ្ងៃសុក្រ អាជ្ញាធរនេះ បានចោទប្រកាន់សមាជិកនៃ «ក្រុមឧក្រិដ្ឋជន» ដែលបានប្រើការបោសសម្អាតសន្តិសុខ ដើម្បីប្រព្រឹត្តការរំលោភបំពានលើអ្នកស្រុក ដោយ» ដោយបានដើរតួជាសមាជិកនៃសេវាកម្មសន្តិសុខ»។

ក្រុមឃ្លាំមើលសិទ្ធិមនុស្សស៊ីរី បាននិយាយថា៖ «ការចាប់ខ្លួនទាំងនេះ ធ្វើឡើង បន្ទាប់ពីមានការរំលោភបំពានយ៉ាងធ្ងន់ធ្ងរ និងការកាត់ទោសប្រហារជីវិតភ្លាមៗ ដែលបានសម្លាប់មនុស្ស ៣៥នាក់ ក្នុងរយៈពេល ៧២ ម៉ោងកន្លងទៅ»។

ក្រុមឃ្លាំមើលនេះ ក៏បានបន្ថែមថា៖«សមាជិកនៃជនជាតិភាគតិចដែលកាន់សាសនា» បានទទួលរង«ការប្រមាថមើលងាយ» ។

ភាគច្រើននៃអ្នកដែលត្រូវបានប្រហារជីវិត គឺជាអតីតមន្រ្តី នៅក្នុងរដ្ឋាភិបាលរបស់លោក អាសាដ ដែលបានបង្ហាញខ្លួនឯងនៅក្នុងមជ្ឈមណ្ឌល ដែលបង្កើតឡើងដោយអាជ្ញាធរថ្មី។ នេះបើយោងតាក្រុមឃ្លាំមើលសិទ្ធិមនុស្សដែលមានមូលដ្ឋាន នៅចក្រភពអង់គ្លេស ជាមួយនឹងបណ្តាញនៃប្រភពនានា នៅក្នុងប្រទេសស៊ីរី។